B.Tech चे विद्यार्थी गिरवणार आता ललित कलेचे धडे
JEE Advanced 2025 च्या गुणवत्तेनंतर, इच्छुक उमेदवारांना या अभ्यासक्रमाच्या प्रवेशासाठी IIT मद्रासच्या पोर्टलवर नोंदणी करणे आवश्यक आहे. आयआयटी मद्रासच्या आगामी सत्रापासून बीटेकमध्ये अभियांत्रिकीच्या शिक्षणासोबतच पारंपरिक नृत्य, संगीत, चित्रकला आणि संस्कृतीचा अभ्यास करण्याची संधी मिळणार आहे.
eduvarta@gmail.com 
एज्युवार्ता न्यूज नेटवर्क
IIT च्या इतिहासात प्रथमच B.Tech चे विद्यार्थी (B.Tech students)अभियांत्रिकी सोबत "ललित कला आणि सांस्कृतिक" ((Fine Arts and Cultural) या विषयांचा देखील अभ्यास करू शकणार आहेत. IIT मद्रासने शैक्षणिक सत्र 2025-26 पासून हा अभ्यासक्रम राबवण्याचा निर्णय घेतला आहे.
मीडिया रीपोर्ट नुसार JEE Advanced 2025 च्या गुणवत्तेनंतर, इच्छुक उमेदवारांना या अभ्यासक्रमाच्या प्रवेशासाठी IIT मद्रासच्या पोर्टलवर नोंदणी करणे आवश्यक आहे. आयआयटी मद्रासच्या आगामी सत्रापासून बीटेकमध्ये अभियांत्रिकीच्या शिक्षणासोबतच पारंपरिक नृत्य, संगीत, चित्रकला आणि संस्कृतीचा अभ्यास करण्याची संधी मिळणार आहे.
राष्ट्रीय शैक्षणिक धोरण (NEP) 2020 च्या शिफारशीनुसार अभ्यासाचा ताण दूर करण्यासाठी आणि विद्यार्थ्यांच्या सर्वांगीण विकासाच्या उद्देशाने बी.टेक प्रोग्राममध्ये नवीन अभ्यासक्रम जोडले जात आहेत. यामध्ये विद्यार्थ्यांना अभियांत्रिकी विषयांबरोबरच ललित कला आणि संस्कृती विषयांचा अभ्यास करता येणार आहे. याचे योग्य गुणही विद्यार्थ्यांना मिळणार आहेत.
