स्कूलबसच्या दरवाढीमुळे पालकांच्या खिशाला कात्री ?
राज्यात शालेय बसव्यतिरिक्त रिक्षा, टॅक्सींमधूनही विद्यार्थी वाहतूक केली जाते. ही वाहतूक बेकायदा आहे. राज्य सरकारने बेकायदा विद्यार्थी वाहतुकीला आळा घातल्यास ही दरवाढ रद्द करण्यात येईल, असेही 'एसबीओए'ने स्पष्ट केले आहे.
eduvarta@gmail.com 
एज्युवार्ता न्यूज नेटवर्क
एसटी, रिक्षा- टॅक्सी सोबतच आता विद्यार्थ्यांना ने-आण करणाऱ्या शालेय बससाठी (school bus) पालकांना आता अधिक पैसे मोजावे लागणार (Will have to pay more money) आहेत. कारण 'स्कूल बस ओनर्स असोसिएशन'ने (School Bus Owners Association (SBOA)) राज्यात १८ टक्के दरवाढ (18 percent price hike in the state) करण्याची घोषणा केली आहे. नव्या शैक्षणिक वर्षापासून (new academic year) म्हणजेच येत्या १ एप्रिलपासून ही दरवाढ (Price hike) लागू होणार आहे.
सध्या वाहनांच्या सुट्या भागांच्या किमती वाढल्या आहेत. इंधन दरातही मोठ्या प्रमाणात वाढ झालेली आहे. पार्किंग शुल्क दुप्पट झाल्यामुळे बस चालक-मालकांना अतिरिक्त आर्थिक भार सहन करावा लागत आहे. परिणामी बस देखभाल-दुरुस्ती खर्चात वर्षाला १२ टक्क्यांची वाढ झाली आहे. विद्यार्थी सुरक्षिततेसाठी जीपीएस यंत्रणा, सीसीटीव्ही कॅमेरे आणि इतर उपकरणे बसवणे अनिवार्य केले आहे. या खर्चाचा भारही बस चालक-मालकांवर आहे. यामुळे नव्या शैक्षणिक वर्षापासून १८ टक्के दरवाढ करण्यात येणार आहे. दरवाढीची माहिती परिवहन मंत्री प्रताप सरनाईक यांच्यासह परिवहन विभागाला आणि शाळांना देखील देण्यात आली आहे.
...तर दरवाढ नाही
याबरोबरच राज्यात शालेय बसव्यतिरिक्त रिक्षा, टॅक्सींमधूनही विद्यार्थी वाहतूक केली जाते. ही वाहतूक बेकायदा आहे. राज्य सरकारने बेकायदा विद्यार्थी वाहतुकीला आळा घातल्यास ही दरवाढ रद्द करण्यात येईल, असेही 'एसबीओए'ने स्पष्ट केले आहे.
-----------------------------------
