समाज कल्याण विभागातील भरती परीक्षेचे वेळापत्रक जाहीर; भूलथापांना बळी न पडण्याचे आवाहन
वरिष्ठ समाज कल्याण निरीक्षक, गृहपाल/अधीक्षक, समाज कल्याण निरीक्षक, उच्च श्रेणी लघुलेखक, निम्म श्रेणी लघुलेखक व लघु टंकलेखक या संवर्गासाठी ही ऑनलाइन परीक्षा होणार आहे.
eduvarta@gmail.com 
एज्युवार्ता न्यूज नेटवर्क
पुणे समाज कल्याण आयुक्तालय,महाराष्ट्र राज्य (Pune Social Welfare Commissionerate, Maharashtra State) यांच्याद्वारे वर्ग-३ संवर्गातील विविध पदांसाठी भरती प्रक्रिया (Recruitment process) राबवली जात आहे. सदर भरतीच्या ऑनलाईन परीक्षेचे वेळापत्रक (Online exam schedule) नुकतेच जाहीर करण्यात आले आहे. ही परीक्षा कॉम्प्युटरबेस असून दिनांक 4 मार्च 2025 ते 19 मार्च 2025 रोजी विविध सत्रांमध्ये आयोजित करण्यात आली आहे.
वरिष्ठ समाज कल्याण निरीक्षक, गृहपाल/अधीक्षक, समाज कल्याण निरीक्षक, उच्च श्रेणी लघुलेखक, निम्म श्रेणी लघुलेखक व लघु टंकलेखक (Senior Social Welfare Inspector, Home Guard/Superintendent, Social Welfare Inspector, Higher Grade Stenographer, Lower Grade Stenographer and Typist) या संवर्गासाठी ही ऑनलाइन परीक्षा होणार आहे. उमेदवारांना दिनांक 25 फेब्रुवारी 2025 पासून https://sjsa.maharashtra.gov.in/ या अधिकृत संकेतस्थळावर ऑनलाइन पद्धतीने हॉलतिकीट उपलब्ध होणार आहे.
अधिक माहितीसाठी उमेदवारांनी सामाजिक न्याय व विशेष सहाय्य विभागाच्या https://sjsa.maharashtra.gov.in/ या अधिकृत संकेतस्थळाला भेट द्यावी. तसेच भरती प्रक्रियाच्या अनुषंगाने ऑनलाइन अर्जात नमूद केलेल्या मोबाईल क्रमांक व ई-मेलवर वेळोवेळी पाठवण्यात येणाऱ्या सूचनांचे उमेदवारांनी पालन करावे, असे समाज कल्याण विभागामार्फत सांगण्यात आले आहे .
हॉल तिकीटा संदर्भात काही तांत्रिक अडचण असल्यास संबंधित उमेदवारांनी 91-9986638901 या क्रमांकावर संपर्क करावा, सदर क्रमांक सोमवार ते शनिवार सकाळी 9 ते सायंकाळी 6 या कालावधीत सुरू राहील. तसेच सदर भरती प्रक्रिया पारदर्शक पद्धतीने पार पडण्यात येत असून उमेदवारांनी कोणत्याही प्रकारच्या अफवांवर विश्वास ठेवू नये. तसेच कोणत्याही व्यक्तीने सदर भरती प्रक्रियेबाबत गैरमार्गाने नोकरी देण्याचे/परीक्षा पास करून देण्याचे किंवा तत्सम स्वरूपाचे आमिष दाखविल्यास अशा भूलथापांना बळी न पडता त्याबाबत नजीकच्या पोलीस स्टेशनकडे तात्काळ संपर्क करावा, असेही आवाहन समाज कल्याण विभागाचे आयुक्त ओम प्रकाश बकोरिया यांनी केले आहे.
