पुणे विद्यापीठात युवासेना ताकद दाखवणार; वरुण सरदेसाईंची होणार एंट्री

एज्युवार्ता न्यूज नेटवर्क

सावित्रीबाई फुले पुणे विद्यापीठात (SPPU) शिवसेनेच्या (Shiv Sena) उध्दव बाळासाहेब ठाकरे गटाची युवासेना आपली ताकद आजमावणार आहे. त्यासाठी थेट युवासेनेचे सचिव वरुण सरदेसाई (Varun Sardesai) यांना मैदानात उतरवले जाणार आहे. ते विद्यार्थ्यांशी संवाद साधून त्यांच्या समस्या जाणून घेणार असले तरी ही राजकीय संवाद असल्याची चर्चा विद्यापीठात आहे. (Savitribai Phule Pune University News)

शिक्षणविषयक ताज्या बातम्यांसाठी येथे क्लिक करा. http://eduvarta.com/

सरदेसाई हे १८ एप्रिल रोजी पुणे विद्यापीठात येणार आहे. हा कार्यक्रम युवासेनेकडून आयोजित करण्यात आलेला नाही. स्टुडंट्स हेल्पिंग हँडचे कुलदीप आंबेकर (Kuldeep Ambekar) व इतरांनी या संवादाचे आयोजन करण्यात आले आहे. त्यामुळे हा राजकीय संवाद नसल्याचा दावा केला जात आहे. याविषयी आंबेकर यांनी माहिती दिली की, राज्याच्या कानाकोपर्‍यातील विद्यार्थी शिक्षण घेत आहेत. येथे शिकत असताना अनेक प्रकारच्या अडीअडचणीला विद्यार्थीना सामोरे जावे लागते.

हेही वाचा : रॅप साँग प्रकरणी दोषींवर होणार कारवाई

मुलभुत गरजा वेळेवर न मिळाल्याने मग त्या वसतिगृहाच्या असो किंवा दर्जादार मेस असो किंवा कमवा व शिका योजनाच्या असोत. या मिळाव्यात यासाठी सातत्यांनी प्रशासनाची विद्यार्थीना संघर्ष करावा लागतो. लढाही द्यावा लागतो. असे एक न अनेक प्रश्र विद्यार्थीचे असतात. ते जाणून घ्यावेत, मार्गी लागावेत यासाठी वरुण सरदेसाई यांना निमंत्रित केले आहे, असे आंबेकर यांनी स्पष्ट केले.

सध्या येऊ घातलेले नवीन शैक्षणिक धोरण यामध्ये विद्यार्थी वर्गात असलेली संभ्रम अवस्था असा प्रश्नावरती सुसंवाद व्हावा. या दृष्टीकोनातुन विद्यार्थी चळवळीच्या वतीने सरदेसाई यांना बोलवण्यात आले आहे. ते पहिल्यांदा विद्यापीठात विद्यार्थ्यांशी संवाद साधतली. त्यानंतर विद्यार्थी शिष्टमंडळासह कुलगुरुंची भेट घेतील. हा कार्यक्रम विद्यार्थी केंद्रबिंदू असेल, असे सांगण्यात आले. आंबेकर यांच्यासह राहुल ससाने, नारायण चापके, सागर अलकुंटे, तुकाराम शिंदे, सनी भोर, अमृता शिंदे आणि गजानन अडबलवार यांचाही आयोजकांमध्ये समावेश आहे.