इंजिनिअरिंग प्रवेशाची यादी १४ ऑगस्टला होणार प्रसिद्ध ; पहा संपूर्ण वेळापत्रक..

एज्युवार्ता न्यूज नेटवर्क 

व्यावसायिक अभ्यासक्रमांच्या प्रवेश अर्ज नोंदणीची (Vocational Course Admission Application Registration) मुदत संपल्यानंतर राज्य सामाईक प्रवेश परीक्षा कक्षाकडून (State Common Entrance Test) इंजिनिअरिंग  प्रथम वर्ष (बीई/ बीटेक), अभियांत्रिकी थेट द्वितीय वर्ष, एमबीए आणि एमसीए (Engineering First Year (BE/ BTech), Engineering Direct Second Year, MBA and MCA) या अभ्यासक्रमांचे प्रवेशाचे पुढील वेळापत्रक  (Schedule announced) जाहीर करण्यात आले आहे. त्यातील अभियांत्रिकी प्रथम वर्ष (बीई/बीटेक) पदवी अभ्यासक्रमाची पहिली यादी १४ ऑगस्टला जाहीर होणार (The first list will be announced on August 14) आहे. तर अंतिम गुणवत्ता यादी ८ ऑगस्ट रोजी जाहीर होणार आहे.

अभियांत्रिकी प्रथम वर्ष (बीई/बीटेक) पदवी प्रवेशासाठी यंदा १ लाख ९२ हजार ३६० विद्यार्थ्यांनी अर्ज केले आहेत. या विद्यार्थ्यांची ८ ऑगस्ट रोजी अंतिम गुणवत्ता यादी जाहीर केली जाणार आहे. त्यानंतर ९ ते ११ ऑगस्ट या कालावधीत विद्यार्थ्यांना पसंतीक्रम भरायचे आहेत. तर पहिली गुणवत्ता यादी १४ ऑगस्ट रोजी जाहीर होणार आहे. या वर्षी  प्रवेशाच्या तीन फेऱ्या असून त्यातील केंद्रीय प्रवेश प्रक्रियेच्या तर शेवटची फेरी संस्थास्तरावर होईल. प्रवेश प्रक्रिया पूर्ण करण्याची अंतिम तारीख १३ सप्टेंबर आहे.

सविस्तर वेळापत्रक

पहिली अंतिम गुणवत्ता यादी ८ ऑगस्ट रोजी प्रसिद्ध होणार.

९ ते ११ ऑगस्ट दरम्यान, पहिल्या फेरीसाठी पसंतीक्रम नोंदवता येणार.

१४ ऑगस्ट रोजी पहिली प्रवेश यादी प्रसिद्ध केली जाणार.

१६ ते १८ ऑगस्ट दरम्यान प्रवेश निश्चित करता येणार.

१९ ऑगस्ट रोजी दुसर्‍या फेरीसाठी रिक्त जागा जाहीर केल्या जाणार.

२० ते २२ ऑगस्ट रोजी दुसर्‍या  यादीचे पसंतीक्रम नोंदवता येणार.

२६ ऑगस्ट रोजी दुसरी गुणवत्ता यादी प्रसिद्ध केली जाणार.

२७ ते २९ ऑगस्ट या कालावधीत दुसर्‍या यादीतील उमेदवारांना प्रवेश घेता येणार.

३० ऑगस्ट रोजी तिसऱ्या फेरीसाठी रिक्त जागांचा तपशील प्रसिद्ध केला जाईल.

३१ ऑगस्ट ते २ सप्टेंबर रोजी पसंतीक्रम नोंदवता येणार.

५ सप्टेंबर रोजी तिसरी गुणवत्ता यादी प्रसिद्ध केली जाणार.

६ ते ९ सप्टेंबर दरम्यान तिसऱ्या यादीतील उमेदवारांना प्रवेश घेता येणार.

१० ते १३ सप्टेंबर या कालावधीत संस्थास्तरावर उमेदवारांचे प्रवेश घेतले जाणार.