'बेस्ट आउट ऑफ वेस्ट' स्पर्धा; विद्यार्थ्यांची सर्जनशीलता आश्चर्यकारक 

एज्युवार्ता न्यूज नेटवर्क 

सेंट जोसेफ कॉन्व्हेंट स्कूल (St. Joseph's Convent School) आणि ज्युनियर कॉलेजच्या वतीने "टाकाऊतून टिकाऊ"  ही स्पर्धा (Sustainable from waste Competition) इयत्ता पहिली ते इयत्ता दहावीच्या विद्यार्थ्यांसाठी आयोजित केली होती. मजेदार, शैक्षणिक आणि पर्यावरणास अनुकूल असे डिझाइन तयार करणे हे या स्पर्धेचे वैशिष्ट होते. कचऱ्याचे सर्जनशील प्रकल्पांमध्ये रूपांतर करणे केवळ पर्यावरणालाच मदत करत नाही तर विद्यार्थ्यांना नाविन्यपूर्ण विचार करण्यास प्रोत्साहित करते. हा संदेश स्पर्धेतून देण्यात आला. 

"टाकाऊ कचऱ्यापासून उत्कृष्ट वस्तु" या शाळेने आयोजित केलेल्या स्पर्धेत संस्थेचे संचालक रविकुमार अगरवाल व संस्थापक अध्यक्ष सुमेरचंद अगरवाल यांनी विद्यार्थ्यांना मार्गदर्शन केले. या स्पर्धेत सोनाली साळवे  यांच्या मार्गदर्शनाखाली, सांस्कृतिक समन्वयक विद्यार्थ्यांनी नारळाच्या शिंपल्या, पुठ्ठा, सीडी डिस्क, प्लॅस्टिकच्या बाटल्या, जुनी वर्तमानपत्रे आणि जुने टी-शर्ट यांसारख्या साहित्याचा वापर करून विविध प्रकल्प हाती घेतले. स्पर्धेत इयत्ता पहिली ते इयत्ता नववीच्या विद्यार्थ्यांनी उत्स्फूर्त सहभाग नोंदवला. 

वॉल हँगिंग्सपासून ते बाटलीच्या टोप्यांपासून बनवलेल्या गुंतागुंतीच्या मॉडेल्सपर्यंत अशा विविध वस्तू विद्यार्थ्यांनी तयार केल्या. या स्पर्धेतील स्पर्धक सिद्धी पाचारणे, रिद्धी खुळे, युविका कानडे, शौर्य इंगवले, श्रेया आल्हाट, मुग्धा मेहता, निधी पांचाळ, चैतन्य इंगळे, इशिका जोसेफ हे विजेते स्पर्धक म्हणून घोषित करण्यात आले  मुख्याध्यापिका विनिता नंबियार, संचालक रविकुमार अगरवाल यां निरीक्षकानी सर्व सहभागींनी दाखवलेल्या नाविन्यपूर्ण पद्धती आणि उच्च स्तरावरील कारागिरीमुळे पूर्णपणे प्रभावित झाले.

सुमेरचंद अगरवाल विद्यार्थ्यांचे कौतुक म्हणाले, विद्यार्थी किती सर्जनशील हे पाहूनआश्चर्य वाटेल. ही स्पर्धा केवळ सर्जनशीलतेला चालना देत नाही तर विद्यार्थ्यांना टिकाऊपना आणि कचरा कमी करण्याचे महत्त्व देखील शिकवते. संचालिका कोमल अगरवाल यांनीही सर्व सहभागींच्या कलाकुसरीचे आणि सर्जनशीलतेचे कौतुक केले.