डोळ्यात आसवं अन् मनात हुंदके, घरात वडिलांचा मृतदेह अन् मुलगी दहावीच्या परीक्षा केंद्रावर

एज्युवार्ता न्यूज नेटवर्क

सध्या राज्य मंडळ्याच्या दहावी बोर्डाच्या परीक्षा (10th board exam) सुरू आहेत. काल मराठीचा पहिला पेपर (First paper of Marathi) पार पडला, मात्र, त्याच वेळी नियतीच्या मनात काही वेगळचं होतं. सोलापूर जिल्ह्यात एक दुःखद घटना घडली. एका बाजूला भविष्याचे स्वप्न होते तर दुसऱ्या बाजूला ज्या वडिलांच्या अंगाखांद्यावर खेळलो, ज्यानी बोलायला, चालायला शिकवले त्या जन्मदात्याचा मृतदेह (Father of 10th grade girl passes away) होता. डोळ्यात आसवं अन् मनात हुंदके होते. ही घटना धनश्री बिकाजी पवार या दहावीच्या विद्यार्थिनीच्या बाबतीत घडली. भिकाजी पवार यांचे अचानक निधन (Bhikaji Pawar passes away) झाले. अशी परिस्थितीत दहावीत शिक्षण घेत असलेल्या मुलगी धनश्रीला परीक्षा देता येणार नव्हती. मात्र, शाळेचे मुख्याध्यापक यांनी तिचे वर्ष वाया जाऊ नये, यासाठी सांत्वन करीत त्यांच्या कुटुंबीयांशी संवाद साधून परीक्षा (The girl took the exam) देण्यास प्रवृत्त केले. 

'तुझे वर्ष वाया जाऊ देणार नाही,' या आश्वासनाने तिच्या वेदनेला शिक्षणाधिकारी, केंद्रप्रमुख व मुख्याध्यापकांनी आधार दिला. धनश्रीने अश्रूना आवर घालत प्रश्नपत्रिका हातात घेतली. प्रत्येक उत्तरात तिने वडिलांचे कष्ट लिहिले, प्रत्येक ओळीत त्यांचे स्वप्न उमटले. तिच्या घरी अंत्यसंस्काराची तयारी झाली होती. तिरडी सजली होती आणि सारे तिची वाट पाहत उभे होते. घरी पोहोचताच वडिलांच्या देहावर कोसळली. 'पप्पा, मी तुमचे स्वप्न पूर्ण करून दाखवेन,' असे म्हणत तिचा हुंदका आकाशाला भिडल्याचे दिसून आले.

धनश्रीच्या घटनेबाबत माध्यमिक शिक्षणाधिकारी सचिन जगताप यांना कळताच ते सौ. भू. म. पुल्ली कन्या प्रशालेच्या परीक्षा केंद्रावर तत्काळ हजर झाले. त्यांनी मुलींची विचारपूस करीत तिला परीक्षा देण्यासाठी प्रोत्साहन दिले. संबंधितांना त्या मुलीला परीक्षा देताना कोणत्याही प्रकारची अडचण निर्माण होऊ नये, यासाठी सूचना केल्या. त्या मुलीचे शिक्षणाधिकारी यांनी सांत्वन करीत आम्ही तुझ्यासोबत आहोत, असं बोलून धीर दिला.