भावी शिक्षकांसाठी मोठी बातमी! परीक्षा परीषदेकडून TET परीक्षेसाठी अर्ज प्रक्रिया सुरू
पेपर 1 (प्राथमिक स्तर) 23 नोव्हेंबर 2025 रोजी सकाळी 10:30 ते दुपारी 1:00 या वेळेत, तर पेपर 2 (उच्च प्राथमिक स्तर) त्याच दिवशी दुपारी 2:30 ते सायंकाळी 5:00 या वेळेत आयोजित केला जाईल. प्रशासकीय कारणांमुळे वेळापत्रकात बदल होऊ शकतो, त्याबाबत सविस्तर माहिती अधिकृत संकेतस्थळावर दिली जाईल, असे परीक्षा परिषदेकडून स्पष्ट करण्यात आले आहे.
eduvarta@gmail.com 
एज्युवार्ता न्यूज नेटवर्क
भावी शिक्षकांसाठी महत्त्वाची बातमी समोर आली आहे. महाराष्ट्र राज्य परीक्षा परिषदेकडून (Maharashtra State Examination Council) शिक्षक पात्रता परीक्षा (TET) - 2025 (MahaTET-2025) रोजी आयोजित करण्याची घोषणा केली आहे. ही परीक्षा महाराष्ट्रातील विविध शाळांमध्ये इयत्ता 1 ते 5 (पेपर 1) आणि इयत्ता 6 ते 8 (पेपर 2) च्या शिक्षक पदांसाठी अनिवार्य आहे. ऑनलाइन अर्ज प्रक्रिया (Online application process begins) उद्या सोमवार 15 सप्टेंबर 2025 पासून सुरू होणार आहेत. (Online application starts from 15 September 2025) तर अर्ज करण्याची अंतिम मुदत 3 ऑक्टोबर 2025 पर्यंत देण्यात आली आहे. तसेच विद्यार्थ्यांना प्रवेशपत्रे 10 नोव्हेंबर 2025 ते 23 नोव्हेंबर 2025 या कालावधीत ऑनलाइन पद्धतीने उपलब्ध करून देण्यात येतील. तर रविवारी 23 नोव्हेंबर 2025 रोजी प्रत्यक्ष परीक्षा घेतली जाईल.
आयटीआय विद्यार्थ्यांना प्रवेशाची आणखी एक संधी; 30 सप्टेंबरपर्यंत करता येणार अर्ज..
पेपर 1 (प्राथमिक स्तर) 23 नोव्हेंबर 2025 रोजी सकाळी 10:30 ते दुपारी 1:00 या वेळेत, तर पेपर 2 (उच्च प्राथमिक स्तर) त्याच दिवशी दुपारी 2:30 ते सायंकाळी 5:00 या वेळेत आयोजित केला जाईल. प्रशासकीय कारणांमुळे वेळापत्रकात बदल होऊ शकतो, त्याबाबत सविस्तर माहिती अधिकृत संकेतस्थळावर दिली जाईल, असे परीक्षा परिषदेकडून स्पष्ट करण्यात आले आहे.
महाटीईटी परीक्षा सर्व व्यवस्थापनांमधील, ज्यात शासकीय, अशासकीय, कायम विनाअनुदानित शाळा, तसेच सर्व बोर्ड आणि माध्यमांतील इयत्ता 1 ते 8 च्या शिक्षकांसाठी अनिवार्य आहे. ही परीक्षा उत्तीर्ण होणे, शिक्षण सेवक/शिक्षक म्हणून नियुक्तीसाठी आवश्यक आहे. उमेदवारांना त्यांच्या शैक्षणिक पात्रता, अपंगत्व आणि आरक्षण श्रेणी संबंधित अचूक माहितीसाठी मूळ कागदपत्रांवर आधारित अर्ज भरण्याचा सल्ला देण्यात आला आहे. ज्या उमेदवारांना पेपर 1 आणि पेपर 2 दोन्ही परीक्षा द्यायच्या आहेत, त्यांनी दोन्ही स्तर निवडल्यास त्यांना एकच परीक्षा केंद्र देण्यात येईल त्यांना स्वतंत्र अर्ज करण्याची आवश्यकता नाही, असे देखील परीक्षा परिषदेने स्पष्ट केले आहे.
