शिक्षकाने दिली विद्यार्थिनीला धमकी, मला सोडून जाऊ नकोस, अन्यथा..
शिक्षकाने आपल्याच शाळेतील एका विद्यार्थिनीला प्रपोज केला, मुलीने नकार देताच शिक्षकाने तिला आत्महत्या करण्याची धमकी दिली. ‘मला सोडून जाऊ नकोस, अन्यथा मी माझ्या जीवाचे काहीतरी बरेवाईट करून घेईन’, अशी धमकी देऊन मानसिक त्रास दिल्याचे विद्यार्थिनीने तक्रारीमध्ये म्हटले आहे.
eduvarta@gmail.com 
एज्युवार्ता न्यूज नेटवर्क
शिक्षक आणि विद्यार्थिनी हे नातं खुप पवित्र मानलं जातं. मात्र, या पवित्र नात्याला काळिमा फासण्याचे दुष्कृत्य सोलापूर जिल्ह्यातील (Solapur Crime News) एका शिक्षकाने केले आहे. शिक्षकाने आपल्याच शाळेतील एका विद्यार्थिनीला प्रपोज केला, मुलीने नकार देताच शिक्षकाने तिला आत्महत्या करण्याची धमकी दिली. ‘मला सोडून जाऊ नकोस, अन्यथा मी माझ्या जीवाचे काहीतरी बरेवाईट करून घेईन’, अशी धमकी देऊन मानसिक त्रास दिल्याचे विद्यार्थिनीने तक्रारीमध्ये म्हटले आहे.
शिक्षकांचे काम विद्यार्थ्यांना घडवण्याचं आहे. त्यातून एक चांगला समाज घडतो. विद्यार्थीदशेत मुल-मुली आपला जास्तवेळ शाळेत घालवतात. शाळेकडून मिळणारे संस्कार आयुष्यभर शिदोरी म्हणून सोबत राहतात. शाळेत बाल मनावर झालेले संस्कार उद्याचा यशस्वी समाज बनतो. पण अलीकडे विद्यार्थी आणि शिक्षकांमधल्या गुरु-शिष्याच्या पवित्र नात्याला कलंक लागण्याच्या घटना समाजात वाढू लागल्या आहेत. बऱ्याचदा काही शिक्षकांना आपल्या जबाबदारीचा विसर पडत असल्याच दिसत आहे. आज शिक्षणाकडे बघण्याचा दृष्टीकोन बदलला आहे. आज शिक्षण क्षेत्रातून मोठ्या प्रमाणात पैसा कमावला जात आहेत. पण त्याचवेळी काही शिक्षकांना आपल्या सामाजिक जबाबदारीचा विसर पडत असल्याचही दिसून आले आहे.
यल्लपा उर्फ सुमित गाडेकर असे आरोपी शिक्षकाचे नाव आहे. शिक्षकाने जुलै 2023 मध्ये एका अल्पवयीन विद्यार्थिनीशी संवाद साधून प्रपोज केलं. विद्यार्थिनीने नकार दिल्यानंतरही हा शिक्षक सतत पाठलाग करत होता. जानेवारी 2024 मध्ये हात धरून जबरदस्तीने घेऊन जाऊन तिच्याशी जवळीकता साधण्याचा प्रयत्न केल्याचा आरोप या शिक्षकावर आहे. पीडित मुलीच्या फिर्यादीवरून पॉस्को कलम 12 सह भारतीय न्याय संहिता कलम 74, 78, 351 (2) अन्वये गुन्हा नोंद झाला आहे. अलीकडे अशा बातम्या येण्याच प्रमाण वाढले आहे. पालक शिक्षकांवर विश्वास ठेऊन आपल्या मुला-मुलींना शाळेत पाठवतात. पण काही शिक्षक गैरफायदा घेत असल्याच दिसून आले आहे.
