विद्यार्थ्याने सांगितली दीड मिनिटात १२० तालुक्यांची नावे, मुख्यमंत्र्यांकडून व्हिडिओ शेअर करत कौतूक 

एज्युवार्ता न्यूज नेटवर्क 

माणूस राहायला कुठेही असू द्या, पण त्याच्यातील ज्ञान कधीच झाकून राहात नाही. विदर्भातील खेडेगावात शिक्षण घेत असलेल्या अशाच काही विद्यार्थ्यांचा प्रत्यय सध्या राज्याचे मुख्यमंत्री देवेंद्र फडणवीस (Chief Minister Devendra Fadnavis) यांना आला आहे. इयत्ता सहावीत शिकत असेलल्या अनिकेत डोळ्याची पापणी लऊसतर अवघ्या दीड मिनिटात तब्बल १२० तालुक्यांची नावे सांगतो.  त्याचा हाच व्हिडिओ मुखमंत्र्यांनी आपल्या एक्स या सोशल मिडियावर अकाउंटवर (Social media account) शेअर करत त्या विद्यार्थ्यांचे अभिनंदन केले आहे. 

विदर्भातील ११ जिल्हे आणि त्यातील १२० तालुक्यांची नावे तोंडपाठ असलेला सहावीत शिकणारा अनिकेत रवींद्र पांडे, नद्या आणि त्यांची उगमस्थाने सांगणारा, विभागश: जिल्ह्यांची नावे सांगणारा दुसरीतील सुदीप दीपक पांडे. अशी अनेक उदाहरणे अलिकडे माझ्या पाहण्यात आली. अभ्यासाव्यतिरिक्त सामान्य ज्ञानाचा हा पाठांतरक्रम थोडा वेगळा आणि मनाला सुखावणारा वाटला.  सोशल मीडियावर अनेक व्हीडिओ माझ्या पाहण्यात आले.

यवतमाळच्या जिल्हाधिकार्‍यांकडून मी माहिती घेतली. जिल्हा परिषद उच्च प्राथमिक शाळा, एकंबा, तालुका उमरखेड, जिल्हा यवतमाळ येथील हे विद्यार्थी आहेत. अविनाश नारवाडे त्यांचे शिक्षक आहेत, तर कल्याण बोबळे हे तेथे मुख्याध्यापक आहेत. समस्त शिक्षकवृंद आणि या प्रतिभाशाली विद्यार्थ्यांचे मी मनापासून अभिनंदन करतो. ९०० लोकसंख्या असलेल्या या गावातील हे अस्सल हिरे आहेत. शिकत रहा आणि खूप मोठे व्हा... माझ्या शुभेच्छा कायम तुमच्यासोबत आहेत...! असे त्यांनी आपल्या पोस्टमध्ये म्हटले आहे. 

उमरखेड तालुक्यातील एकंबा (वन) येथील इयत्ता सहावित शिकत असेलल्या अनिकेतबाबत येत आहे. तो डोळ्याची पापणी न लवता अवघ्या दीड मिनिटात तब्बल १२० तालुक्यांची नावे सांगतो. त्याचा हा व्हिडीओ सध्या तुफान व्हायरल झाला असून, आतापर्यंत या चॅनलवरील व्हिडीओंना पाच कोटींच्या वर व्ह्यूज मिळाले आहेत. तोच व्हिडिओ मुख्यमंत्री यांच्या पाहाण्यात आला आणि त्यांनी तो पोस्ट केला.