UPSC 2025 मध्ये होणार्‍या परीक्षांच्या कॅलेंडरमध्ये बदल 

एज्युवार्ता न्युज नेटवर्क 

केंद्रीय लोकसेवा आयोगाने (UPSC) 2025 साठी वार्षिक परीक्षेच्या कॅलेंडरमध्ये बदल (Exam Calendar) केले आहेत. या नवीन कॅलेंडरमध्ये अनेक भरती परीक्षांच्या नवीन तारखा जाहीर करण्यात आल्या आहेत.

यामध्ये नागरी सेवा (प्रिलिम्स) परीक्षा 2025 : UPSC नागरी सेवा पूर्व परीक्षा 25 मे 2025 रोजी होणार आहे.22 जानेवारी 2025 रोजी अधिसूचना जारी केली जाईल आणि अर्ज करण्याची अंतिम तारीख 11 फेब्रुवारी 2025 असेल.

भारतीय वन सेवा (प्राथमिक) परीक्षा 2025 (Indian Forest Service (Preliminary) Examination): नागरी सेवा (प्राथमिक) परीक्षा 25 मे 2025 रोजी होणार आहे.

अभियांत्रिकी सेवा (प्राथमिक) परीक्षा 2025 (Engineering Services (Primary) Exam 2025) : 9 फेब्रुवारी 2025 रोजी होणार आहे. 18 सप्टेंबर 2024 रोजी अधिसूचना जारी केली जाईल आणि अर्ज करण्याची अंतिम तारीख 8 ऑक्टोबर 2024 असेल.

संयुक्त भू-शास्त्रज्ञ (प्राथमिक) परीक्षा (Joint Geologists (Preliminary) Examination): 9 फेब्रुवारी 2025 रोजी होणार आहे.4 सप्टेंबर 2024 रोजी अधिसूचना जारी केली जाईल आणि अर्ज करण्याची अंतिम तारीख 24 सप्टेंबर 2024 असेल. 

संयुक्त संरक्षण सेवा (CDS) I परीक्षा, 2025 (Combined Defense Services (CDS) I Exam, 2025): 13 एप्रिल 2025 रोजी होणार आहे. 11 डिसेंबर 2024 रोजी अधिसूचना जारी केली जाईल आणि अर्ज करण्याची अंतिम तारीख 31 डिसेंबर 2024 असेल.

राष्ट्रीय संरक्षण अकादमी (NDA) आणि नौदल अकादमी (NA) I परीक्षा : ही परीक्षा 13 एप्रिल 2025 रोजी होणार आहे. 11 डिसेंबर 2024 रोजी अधिसूचना जारी केली जाईल आणि अर्ज करण्याची अंतिम तारीख 31 डिसेंबर 2024 असेल.

UPSC ने आपल्या निवेदनात असेही स्पष्ट केले आहे की, 'अधिसूचना, प्रारंभ आणि परीक्षा/भरती चाचणीच्या (RT) तारखा परिस्थितीनुसार बदलू शकतात.नवीन तारखांनुसार कोणती परीक्षा कधी होणार हे वेळोवेळी कळवले जाईल.