नववर्षाच्या पूर्वसंध्येला 'दारू सोडा दूध प्या'; जाधवर इन्स्टिट्यूटचे अभियान
जाधवर ग्रुप ऑफ इन्स्टिट्यूटचे अध्यक्ष डॉ.सुधाकर जाधवर व उपाध्यक्ष ॲड.शार्दुल जाधवर यांच्या पुढाकाराने तसेच सिंहगड रोड पोलीस स्टेशन व नऱ्हे पोलीस स्टेशन यांच्या संयुक्त विद्यमाने हा उपक्रम राबविला जात आहे.
eduvarta@gmail.com 
एज्युवार्ता न्यूज नेटवर्क
नववर्षाच्या पूर्वसंध्येला तरुणाई मद्य धुंद होऊन नशेच्या आहारी जात असल्याचे निदर्शनास येते. मात्र, निरोगी राहण्यासाठी आणि नववर्षाच्या स्वागतासाठी मद्य प्राशान न करता दूध पिऊन नववर्षाचे स्वागत करावे,असे अभियान जाधवर ग्रुप ऑफ इन्स्टिट्यूटतर्फे गेल्या काही वर्षांपासून राबविले जात आहे.या वर्षी सुध्दा 31 डिसेंबर रोजी हे अभियान राबविले जाणार आहे.
जाधवर ग्रुप ऑफ इन्स्टिट्यूटचे अध्यक्ष डॉ.सुधाकर जाधवर व उपाध्यक्ष ॲड.शार्दुल जाधवर यांच्या पुढाकाराने तसेच सिंहगड रोड पोलीस स्टेशन व नऱ्हे पोलीस स्टेशन यांच्या संयुक्त विद्यमाने हा उपक्रम राबविला जात आहे.
नववर्षाच्या स्वागतासाठी फाटक्यांची आतशबाजी केली जाते. तसेच मित्र नातेवाईक यांना भेटून नववर्षाच्या शुभेच्छा दिल्या जातात. परंतु, या कालावधीत अनेक वेळा मद्य विक्रीच्या दुकानासमोर मोठ्या रांगा दिसून येतात. त्यामुळेच जाधवर ग्रुप ऑफ इन्स्टिट्यूटने तरुणाईला या मधुर संधेला दारू सोडून दूध पिण्याचा संकल्प करण्याचे आवाहन केले आहे.
