'बार्टी'मार्फत घेण्यात येणाऱ्या सामायिक प्रवेश परीक्षेचे वेळापत्रक जाहीर

एज्युवार्ता न्यूज नेटवर्क

डॉ. बाबासाहेब आंबेडकर संशोधन व प्रशिक्षण संस्थेमार्फत, पुणे (Barty Pune) मार्फत 2025-26 या वर्षासाठी (2025-26 academic year)  घेण्यात येणाऱ्या राज्य सामायिक प्रवेश परीक्षेचे (State Common Entrance Test)  वेळापत्रक जाहीर (Schedule announced) करण्यात आले आहे. ही परीक्षा विविध स्पर्धा परीक्षांच्या पूर्व-प्रशिक्षणासाठी इच्छुक असलेल्या उमेदवारांसाठी घेण्यात येते. यापूर्व अर्ज केलेल्या विद्यार्थ्यांची 14 ते 27 सप्टेंबर 2025 या कालावधीत ही परीक्षा घेण्यात येणार आहे. उमेदवारांना त्यांच्या प्रवेशपत्रांबाबत एसएमएस आणि ईमेलद्वारे सूचना दिली जाईल. प्रवेशपत्र संस्थेच्या वेबसाइटवरून डाउनलोड करता येईल.

डॉ. बाबासाहेब आंबेडकर संशोधन व प्रशिक्षण संस्थेने एक नोटीस प्रसिद्ध केली आहे. या नोटीसमध्ये सामायिक प्रवेश परीक्षा 2025-26 च्या वेळापत्रकाची माहिती देण्यात आली आहे. परीक्षेच्या तीन दिवस अगोदर परीक्षेचे वेळापत्रक जाहीर केल्यामुळे विद्यार्थ्यांमध्ये गोंधळ उडाला आहे. ही परीक्षा बार्टी (BARTI), टीआरटीआय (TRTI), सारथी (SARTHI), महाज्योती (Mahajyyoti), आणि एआरटीआय (ARTI) द्वारे आयोजित विविध स्पर्धा परीक्षांच्या पूर्व-प्रशिक्षण कार्यक्रमांसाठी उमेदवारांची निवड करण्यासाठी घेतली जाणार आहे. 

प्रशिक्षण कार्यक्रमांचा उद्देश यूपीएससी, एमपीएससी, आयबीपीएस, एसबीआय, आरबीआय, आरआरबी, नाबार्ड, एलआयसी, एसएससी आणि इतर तसेच पोलीस, सैन्य आणि निम-लष्करी सेवांसारख्या संस्थांद्वारे घेतल्या जाणाऱ्या स्पर्धा परीक्षांसाठी उमेदवारांना तयार करणे आहे. ही सीईटी परीक्षा बार्टी, पुणे द्वारे विविध स्पर्धा परीक्षांच्या पूर्व-प्रशिक्षण कार्यक्रमांसाठी उमेदवारांची निवड करण्यासाठी आयोजित केली जाते. विद्यार्थ्यांना प्रत्येक परीक्षेसाठी स्वतंत्र प्रवेशपत्र जारी केले जाणार असल्याची माहिती प्रसिद्ध करण्यात आलेल्या पत्राकाद्वारे देण्यात आली आहे. 

असे डाउनलोड करा प्रवेशपत्र -

सर्वप्रथम ऑनलाइन अर्ज भरलेल्या बार्टीचे अधिकृत संकेतस्थळ https://barticet.in/JEST/index.html वर जा. समोर दिसणाऱ्या लाॅगिन वर क्लिक करा. अर्ज भरताना वापरलेला ईमेल आयडी आणि पासवर्ड वापरून लॉगिन करा. "Download Admit Card" या पर्यायावर क्लिक करा. दाखवलेली माहिती (शहर / परीक्षा केंद्र / परीक्षा दिनांक) तपासा. प्रवेशपत्र PDF स्वरूपात डाउनलोड करून जतन करा. प्रिंट काढून परीक्षेसाठी सुरक्षित ठेवा.