संगमनेर हादरले! शाळेतून घरी जाताना इयत्ता सहावीत शिकणाऱ्या विद्यार्थिनीवर ॲसिड हल्ला

एज्युवार्ता न्यूज नेटवर्क

अहिल्यानगर जिल्ह्यात इयत्ता सहावीत शिकणाऱ्या (A 6th Class student) अल्पवयीन विद्यार्थिनीवर ॲसिड हल्ला (Acid Attack on Female Student) झाल्याची धक्कादायक घटना घडली.  11 वर्षीय मुलीच्या चेहऱ्यावर ॲसिड फेकल्याच्या घटनेने संपूर्ण जिल्ह्यात खबबळ उडाली आहे.  संगमनेरच्या वडगावपान (Sangamner Crime News) गावात ही घटना घडली आहे. शाळा सुटल्यानंतर विद्यार्थिनी घरी जाताना हा प्रकार घडला. ॲसिड फेकल्यानंतर आरोपी फरार झाला. ॲसिड हल्ल्यात जखमी झालेल्या विद्यार्थिनीवर प्रवरा ग्रामीण रुग्णालयात उपचार सुरू आहेत. पोलिसांकडून आरोपीचा शोध सुरू आहे. ॲसिड विक्रीवर बंदी असतानाही हल्लेखोरांना ॲसिड उपलब्ध झालेच कसे असा प्रश्न निर्माण होतोय..

मिळालेल्या प्राथमिक माहितीनुसार, संबंधित विद्यार्थिनी शाळेत जात असताना अज्ञात व्यक्तीने तिच्यावर ॲसिड फेकले. या हल्ल्यात विद्यार्थिनी गंभीर जखमी झाली असून तिला तातडीने जवळच्या रुग्णालयात उपचारासाठी दाखल करण्यात आले आहे. डॉक्टरांकडून तिच्यावर उपचार सुरू आहेत. घटनेची माहिती मिळताच पोलिसांनी घटनास्थळी धाव घेत तपास सुरू केला आहे. आरोपी कोण आहे, हल्ल्यामागील कारण काय याचा शोध घेतला जात आहे. सीसीटीव्ही फुटेज आणि स्थानिकांच्या मदतीने आरोपीचा माग काढण्याचे प्रयत्न सुरू आहेत.

दरम्यान, या अमानुष घटनेविरोधात स्थानिक नागरिक आणि पालकांनी संताप व्यक्त केला असून दोषींवर कठोर कारवाई करण्याची मागणी केली आहे. विद्यार्थ्यांच्या सुरक्षेबाबतही गंभीर प्रश्न उपस्थित झाले आहेत. पोलिस तपास सुरू असून पुढील माहिती लवकरच समोर येण्याची शक्यता आहे.
________________________________________

अशी विकृती थांबवण्यासाठी प्रत्येक परिसरातील नागरीकांनी सतर्क राहाणे आवश्यक आहे. इयत्ता सहावीत शिकणाऱ्या एवढ्या छोट्या मुलीवर ॲसिड हल्ला करणाऱ्या नराधम विकृतीला भर चौकात ठेचून मारले पाहिजे. 

- रुपाली ठोंबरे, नेत्या राष्ट्रवादी (अजित पवार)
______________________________________

विद्यार्थिनी मुलगी शाळेतून घरी जात होती. तो हायवेचा परिसर आहे. त्यामुळे तिथे सीसीटीव्ही नसणे अपेक्षितच आहे. मात्र, पोलिस त्याच्या पातळीवर आरोपींचा शोध घेतील. 

सत्यजित तांबे, पदवीधर विधान परिषद आमदार