मुलींच्या टोळक्याकडून विद्यार्थींनीला भररस्त्यात बेदम मारहाण

एज्युवार्ता न्यूज नेटवर्क 

मुंबईतील एका खासगी शाळेत शिकणाऱ्या विद्यार्थीनीला मुलींच्या टोळक्याने पायात असणाऱ्या चप्पल, बुटासह अमानुषपणे बेदम मारहाण (The student was brutally beaten) केली आहे. हा व्हिडिओ सध्या सोशल मीडियावर व्हायरल होत आहे. विद्यार्थीनीच्या अंगावर असलेल्या गणवेशावरून पीडित मुलगी मुंबईतील यारी रोड (Yari Road in Mumbai) येथील चिल्ड्रन वेल्फेअर सेंटर स्कूलमध्ये (Children Welfare Center School) शिकत असल्याचा अंदाज वर्तवण्यात येत आहे. कारण शाळेपासून काही अंतरावरच ही घटना घडली आहे. 

मिळालेल्या माहितीनुसार, मुलींच्या टोळ्यक्याने एका शाळकरी विद्यार्थींनीला दिवसाढवळ्या अश्लील शिवीगाळ करत बेदम मारहाण केली. यावेळी मुलीचे केस ओढले आणि तिला पायातील बुटासह लाथा देखील मारण्यात आल्या आहेत. या शाळकरी मुलीने स्वत: ची कशीबशी सुटका केली आणि तिच्या मित्राकडे धाव घेतली. मात्र, तिथे देखील  तिला पकडण्यात आले आणि मारहाण करण्यात आली. शाळेचा गणवेश परिधान केलेली मुलगी रस्त्याने जात असताना तिला ही मारहाण करण्यात आली आहे. 

तिथे जमलेल्या गर्दीतील एकाने या घटनेचा व्हिडिओ आपल्या मोबाईलमध्ये कैद केला. परंतु , ही मारहाण थांबवण्यासाठी कोणीही पुढे आले नाही. या विद्यार्थीनीला करण्यात आलेली मारहाण कोणत्या कारणास्तव करण्यात आली,  हे मात्र अद्याप समोर आले नाही. या प्रकरणी काही नेटकऱ्यांनी व्हिडिओ सोशल मीडियावर पोस्ट केला असून पोलिसांनी या प्रकरणी दखल घ्यावी यासाठी मुंबई पोलीसांना टॅग केले आहे. पोस्टमध्ये कॅप्शन देखील लिहले आहे. त्यामध्ये म्हटले आहे की, मुंबईतील यारी रोड येथील शाळेत जाणाऱ्या मुलीला मुलींच्या टोळीने बेदम मारहाण केली.