MAHA TET 2024 : 'Answer Kay' प्रसिद्ध, अशी करता येणार PDF डाउनलोड
जे विद्यार्थी परीक्षेला बसले आहेत त्यांना परीक्षा परिषदेचे अधिकृत संकेतस्थळ http://mahatet.in वर पीडीएफ स्वरूपात अंतरिम उत्तरसूची पाहता येणार आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेकडून (Maharashtra State Examination Council) महा टीईटी २०२४ परीक्षेची (Maha TET 2024 Exam) अंतरित (तात्पुरती) Answer Kay (उत्तरसूची) प्रसिद्ध (Answer Kay published) करण्यात आली आहे. जे विद्यार्थी परीक्षेला बसले आहेत त्यांना परीक्षा परिषदेचे अधिकृत संकेतस्थळ http://mahatet.in वर पीडीएफ स्वरूपात उत्तरसूची पहाता येणार आहे.
महाराष्ट्र राज्य परीक्षा परिषदेमार्फत रविवार दि. १० नोव्हेंबर २०२४ रोजी घेण्यात आलेल्या शिक्षक पात्रता परीक्षा पेपर क्रमांक - १ व पेपर क्रमांक - २ ची अंतरिम (तात्पुरती) उत्तरसूची प्रसिध्द करण्यात आली आहे. या परीक्षेसाठी पेपर १ व पेपर २ बाबत प्रश्नपत्रिकेतील कोणत्याही प्रश्नाबाबत किंवा पर्यायी उत्तराबाबत काही त्रुटी असल्यास विद्यार्थ्यांना १६ डिसेंबरपर्यंत परिषदेकडे आक्षेप नोंदवता येणार आहे.
सदर आक्षेप/त्रुटी बाबतचे निवेदन https://mahatet.in/ या संकेतस्थळावर परीक्षार्थ्यांच्या लॉगीन मध्ये उपलब्ध करुन देण्यात आलेल्या आक्षेप नोंदणी या लिंकद्वारे परिषदेकडे पाठवता येतील. आक्षेपाबाबत लेखी निवेदन समक्ष/टपालाने/ईमेलद्वारे पाठविल्यास त्याचा विचार केला जाणार नाही. विहित मुदतीत ऑनलाईन रित्या प्राप्त झालेल्या आक्षेपाचा विचार करुन विषय तज्ञांच्या अभिप्रायानुसार अंतिम उत्तरसुची यथावकाश प्रसिद्ध करण्यात येईल, असे परीक्षा परिषदेने प्रसिद्धपत्रकात म्हटले आहे.
अशी करा PDF डाउनलोड..
महा टीईटी 2024 ची अंतरिम उत्तरसूची पाहण्यासाठी सर्वप्रथम अधिकृत संकेतस्थळ https://mahatet.in/ ला भेट द्या. तिथे समोर दिसणाऱ्या 'महाटेट २०२४ अंतरिम उत्तरसूची बघण्यासाठी येथे क्लिक करा' या लिंकवर जा. तिथे तुम्हाला तुमचा पेपर आणि विषय निवडावे लागेल. तुमचा पेपर आणि विषयावर क्लिक केल्यावर समोर तुम्हाला पीडीएफ स्वरुपात उत्तरसूची दिसेल. त्यानुसार तुम्ही लिहिलेल्या प्रश्नाची उत्तरे तपासू करू शकता.
