राहुरी विद्यापीठाला पर्यायी जागा उपलब्ध करून द्या; मंत्री बावनकुळे यांचे निर्देश
कृषी विद्यापीठाला पर्यायी जागा (Alternative location for Agricultural University) उपलब्ध करून देण्याबाबत प्रस्ताव पाठवण्याचे निर्देश महसूल मंत्री चंद्रशेखर बावनकुळे (Chandrashekhar Bawankule) यांनी संबंधित विभागाला दिली आहे. त्यामुळे दंत महाविद्यालयाच्या जागेचा प्रश्न मार्गी लागण्याची शक्यता वर्तवण्यात येत आहे.
eduvarta@gmail.com 
एज्युवार्ता न्यूज नेटवर्क
कोल्हापूर शहरातील शेंडापार्क येथील जागा दंत महाविद्यालयासाठी (Dental College) देण्याची मागणी केली जात होती. मात्र, ही जागा महात्मा फुले कृषी विद्यापीठ, राहुरी (Mahatma Phule Agricultural University Rahuri) यांच्या ताब्यात असल्याने काही अडचणी निर्माण होत आहे. आता या जागेबाबत मंत्री बावनकुळे यांनी महत्त्वपूर्ण निर्णय घेतला आहे. ही जागा हस्तातरीत करून कृषी विद्यापीठाला पर्यायी जागा (Alternative location for Agricultural University) उपलब्ध करून देण्याबाबत प्रस्ताव पाठवण्याचे निर्देश महसूल मंत्री चंद्रशेखर बावनकुळे (Chandrashekhar Bawankule) यांनी संबंधित विभागाला दिली आहे. त्यामुळे दंत महाविद्यालयाच्या जागेचा प्रश्न मार्गी लागण्याची शक्यता वर्तवण्यात येत आहे.
दंत महाविद्यालयाच्या जागेचा तिढा मागील काही दिवसांपासून कायम आहे. यावर मार्ग काढण्यासाठी मंत्री बावनकुळे यांच्या मंत्रालयातील दालनात बैठक आयोजित करण्यात आली. यावेळी कोल्हापूर जिल्हाधिकारी अमोल येडगे, कृषी विद्यापीठ राहुरीचे अधिकारी दूरदृश्य प्रणालीद्वारे उपस्थित होते. यावेळी मंत्री बावनकुळे यांची, कृषी विद्यापीठाला पर्यायी जागा उपलब्ध करून देण्याचे
मंत्री बावनकुळे म्हणाले की, कोल्हापूर शहराच्या विकासासाठी शेंडापार्क येथील जागेची अदलाबदल करण्यास महसूल विभागाची तयारी आहे. महात्मा फुले कृषी विद्यापीठ राहुरी यांना पर्यायी जागा उपलब्ध करून दिली जात असेल आणि त्यांची तयारी असेल तर त्यासाठी कोल्हापूर जिल्हाधिकारी यांनी प्रस्ताव पाठवावा. कृषी विद्यापीठाने आपणास मिळणारी जागा ही शेती आणि संशोधनास योग्य अशी मिळावी आणि जागेच्या अदलाबदलीमध्ये त्या ठिकाणच्या विकासासाठी निधी मिळावा, अशी अपेक्षा व्यक्त केली.
