शिक्षक,मुख्याध्यापकांची सिंगापूर वारी; राज्यातील ५० अधिकाऱ्यांचीही जाण्याची तयारी

एज्युवार्ता न्यूज नेटवर्क

स्टार प्रकल्पातंर्गत (STARS Project) आंतरराष्ट्रीय स्तरावर शिक्षण क्षेत्रात राबविण्यात येणाऱ्या वैविध्यपूर्ण, नाविन्यपूर्ण उपक्रमांची/योजनांची माहिती जाणून घेऊन या उपक्रमांची आपल्या राज्यात अंमलबजावणी करण्याची शक्यता पडताळणी करण्याच्या उद्देशाने आंतरराष्ट्रीय स्तरावर महाराष्ट्र राज्यातील ५० अधिकारी (समन्वयक), मुख्याध्यापक, शिक्षकांसाठी सिंगापूर येथे आंतरराष्ट्रीय अभ्यास दौऱ्याचे नियोजन (Planning of an international study tour to Singapore for 50 officers (coordinators), principals, and teachers from Maharashtra state) करण्यात आले आहे.

सदर अभ्यास दौरा व शाळांना भेटी या कालावधीत सर्व अधिकारी / कर्मचारी यांचा संपूर्ण खर्च शालेय शिक्षण विभागांतर्गत महाराष्ट्र प्राथमिक शिक्षण परिषदेमार्फत स्टार्स (STARS) प्रकल्पांतर्गत SIG ३.२ अंतर्गत करण्यात येणार आहे.

देशातंर्गत व देशाबाहेर अभ्यास दौऱ्यासाठी प्रती व्यक्ती दोन लाख याप्रमाणे १५० व्यक्तीकरीता तीनशे लक्ष तरतूद मंजूर आहे. त्यामुळे देशातंर्गत व देशाबाहेर अभ्यास दौऱ्याचे नियोजन करण्यात आले आहे. या अधिकारी/कर्मचारी यांचा महाराष्ट्र प्राथमिक शिक्षण परिषद, मुंबई यांच्यातर्फे वैद्यकीय विमा काढण्यात येणार आहे.

या सिंगापूर दौऱ्यात सहभागी असलेल्या ५० अधिकारी/कर्मचारी यांचा दौऱ्याचा संपूर्ण कालावधी प्रवासाच्या कालावधीसह कर्तव्य कालावधी म्हणून समजण्यात येणार आहे असेही शासन निर्णयात म्हटले आहे.  

दरम्यान, विदेश दौरा पूर्ण झाल्यानंतर संबंधित अधिकाऱ्यांना त्यांच्या विदेश दौऱ्यासंबंधीचा विस्तृत अहवाल प्रशासकीय विभागास तसेच सामान्य प्रशासन विभागास सादर करावा लागणार आहे. तसेच विदेश दौऱ्यात प्राप्त केलेल्या ज्ञानाचा/कौशल्याचा उपयोग अन्य अधिकारी / कर्मचारी यांना प्रशिक्षण देण्यासाठी करावा असेही सांगण्यात आले आहे.  

राज्यातील ५० अधिकारी (समन्वयक), मुख्याध्यापक, शिक्षकांची नावे