YCMOU च्या व्यवस्थापन परिषदेवर प्रसेनजीत फडणवीस यांची नियुक्ती

एज्युवार्ता न्यूज नेटवर्क 

सावित्रीबाई फुले पुणे विद्यापीठाचे अधिसभा सदस्य व एसपीपीयु एज्युटेक फाऊंडेशनचे संचालक प्रसेनजीत फडणवीस यांची नाशिक येथील यशवंतराव चव्हाण महाराष्ट्र मुक्त विद्यापीठाच्या व्यवस्थापन परिषदेवर राज्यपाल नियुक्त सदस्य म्हणून नियुक्ती झाली आहे.त्यांच्या पुणे विद्यापीठातील विविध अधिकार मंडळावर केलेल्या कामकाजाचा मुक्त विद्यापीठाच्या शैक्षणिक विकासाच्या वाटचालीत निश्चितच  फायदा होईल. फडणवीस यांच्या नियुक्तीबद्दल शिक्षण क्षेत्रातून त्यांचे अभिनंदन केले जात आहे.

प्रसेनजीत फडणवीस हे गेल्या काही सामाजिक क्षेत्रात कार्यरत असून सुमारे 10 वर्षापासून शिक्षण क्षेत्रात सक्रीयपणे काम करत आहेत. एसपीपीयु एज्युटेक फाऊंडेशनच्या संचालक मंडळाचे सदस्य आहेत.सावित्रीबाई फुले पुणे विद्यापीठाच्या विविध अधिकार मंडळावर त्यांनी काम केले आहे.विद्यापीठाच्या सर्वोच्च मानल्या जाणाऱ्या अधिसभेमध्ये त्यांनी अत्यंत अभ्यासूपणे भूमिका मांडली आहे. यशवंतराव चव्हाण मुक्त विद्यापीठाचे कार्यक्षेत्रात संपूर्ण महाराष्ट्र आहे.आता या विद्यापीठाच्या व्यवस्थापन परिषदेवर राज्यपाल नियुक्त सदस्य म्हणून त्यांची निवड झाल्यामुळे त्यांच्या कार्यकक्षा रुंदावल्या आहेत. 

यशवंतराव चव्हाण महाराष्ट्र मुक्त विद्यापीठाच्या व्यवस्थापन परिषदेवर राज्यपाल नियुक्त सदस्य म्हणून उद्योग क्षेत्रातून प्रसेनजीत फडणवीस यांची नियुक्ती झाली असून आयआयटी बॉम्बे येथील संशोधक प्राध्यापक डॉ. अक्षय निकूंभ व अहिल्यानगर जिल्ह्यातील संगमनेर कॉलेजचे मनोहर गुजराथी यांचीही विद्यापीठाच्या व्यवस्थापन परिषदेवर राज्यपाल नियुक्त सदस्य म्हणून निवड करण्यात आली आहे. 

--------------------------

गेल्या काही वर्षापासून शिक्षण क्षेत्रात काम करत आहे.आता यशवंतराव चव्हाण महाराष्ट्र मुक्त विद्यापीठाच्या व्यवस्थापन परिषदेवर नियुक्ती झाली आहे.त्यामुळे पुढील काळात आणखी चांगल्या पद्धतीने काम करण्याचा प्रयत्न करील. - प्रसेनजीत फडणवीस, राज्यपाल नियुक्त सदस्य, यशवंतराव चव्हाण महाराष्ट्र मुक्त विद्यापीठ, नाधीक