प्रा. रामकृष्ण मोरे महाविद्यालयास स्वायत्त दर्जा; पुणे जिल्हा शिक्षण मंडळाचे पहिले महाविद्यालय
महाविद्यालयामध्ये पदवी व पदव्युत्तर विषयांचे अठरा विभाग कार्यरत आहेत. तसेच विविध विषयांचे नऊ पीएच.डी संशोधन केंद्राचे कामकाज चालते.
eduvarta@gmail.com 
एज्युवार्ता न्यूज नेटवर्क
पुणे जिल्हा शिक्षण मंडळातील पहिल्या स्वायत्त महाविद्यालयाचा दर्जा मिळण्याचा बहुमान प्रा. रामकृष्ण मोरे कला वाणिज्य व विज्ञान महाविद्यालयाला विद्यापीठ अनुदान आयोगामार्फत मिळाला आहे. महाविद्यालयाला यापूर्वीच NAAC कडून ‘ए प्लस’ दर्जा प्राप्त झालेला आहे.
महाविद्यालयामध्ये पदवी व पदव्युत्तर विषयांचे अठरा विभाग कार्यरत आहेत. तसेच विविध विषयांचे नऊ पीएच.डी संशोधन केंद्राचे कामकाज चालते. सावित्रीबाई फुले पुणे विद्यापीठाचे सर्वोत्कृष्ट महाविद्यालय, राष्ट्रीय सेवा योजना विभागाचे सर्वोत्कृष्ट कार्यक्रम अधिकारी व सर्वोत्कृष्ट महाविद्यालय पुरस्कार प्राप्त तसेच राष्ट्रीय पातळीवरील सर्वोत्कृष्ट स्वयंसेवक पुरस्कार मिळालेला असून महाविद्यालयास डीबीटी स्टार स्टेटस प्राप्त झाले आहे.
विद्यार्थ्यांच्या सर्वांगीण विकासासाठी रोजगारभिमुख विविध सर्टिफिकेट कोर्स व डिप्लोमा कोर्स कार्यरत आहेत. आतापर्यत महाविद्यालयास विविध विषयांमध्ये सावित्रीबाई फुले पुणे विद्यापीठाची पंधरा सुवर्णपदके प्राप्त झाली आहेत. महाविद्यालयात सॉफ्टवेअर डेव्हलपमेंट, फूड सायन्स अँड टेक्नॉलॉजी, इंटरिअर डिझायनिंग, ऑटोमॅटिक इलेक्ट्रॉनिक्स कोर्सेस महाविद्यालयात असून महाविद्यालयातील विविध प्राध्यापकांना पेटंट मिळालेले आहेत.
महाविद्यालयास स्वायत्त दर्जा प्राप्त झाल्याबद्दल पुणे जिल्हा शिक्षण मंडळाचे अध्यक्ष व विरोधी पक्षनेते अजित पवार, उपाध्यक्ष राजेंद्र घाडगे, मानद सचिव अॅड. संदीप कदम, खजिनदार अॅड. मोहनराव देशमुख, उपसचिव एल. एम. पवार, सहसचिव एम. जाधव आदी पदाधिकाऱ्यांनी प्राचार्य डॉ. मनोहर चासकर, उपप्राचार्य डॉ. बी. जी. लोबो, डॉ. एच. बी. सोनवणे तसेच शिक्षक, शिक्षकेतर कर्मचारी, आजी व माजी विद्यार्थी यांचे अभिनंदन केले आहे.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
