आता IIT मद्रास मध्ये दरवर्षी 500 शिक्षकांना मिळणार AI चे धडे 

एज्युवार्ता न्युज नेटवर्क 

बदलत्या काळानुसार आता विद्यार्थ्यांना (Student) शाळेतूनच (schoos) एआयचे (artificial intelligence) धडे देण्याची सुरुवात काही शाळांनी केली आहे. या अनुषंगाने आता शालेय शिक्षकांना (school teachers) या आधुनिक विषयातही तरबेज होण्याची गरज निर्माण झाली आहे. या पार्श्वभूमीवर IIT मद्रास (IIT Madras) महत्वपूर्ण पाऊल उचलण्याच्या तयारीत आहे.

संस्थेकडून दरवर्षी देशभरातील 500 शिक्षकांना आर्टिफिशियल इंटिलिजन्स आणि डाटा ॲनॅलिसिस (data analysis) या विषयांचे प्रशिक्षण देण्याची योजना आखली जात आहे. IIT-M चे संचालक व्ही.कामकोटी (V. Kamkoti) यांनी ही माहिती दिली. कामकोटी म्हणाले, "आम्ही भविष्यात गणित आणि बी.एड अभ्यासक्रम सुरू करण्याचा विचार करत आहोत.

दरवर्षी किमान ५०० शिक्षक गणित, एआय आणि डाटा ॲनॅलिसिस या विषयात तयार करण्याचे आमचे लक्ष्य आहे."NIRF यादीत अव्वल स्थान मिळविल्याबद्दल 11 हजार विद्यार्थी, प्राध्यापक आणि शिक्षकांचे आभार व्यक्त करताना IIT-M चे संचालक व्ही. कामकोटी म्हणाले की, संस्थेची निवड विविध पॅरामीटर्सच्या आधारे करण्यात आली आहे, ज्यामध्ये पदवीधर झालेल्या विद्यार्थ्यांच्या टक्केवारीचा समावेश आहे."

ते म्हणाले की, "संस्था गेली दोन वर्षे मेडिकल सायन्सेस, आर्टिफिशियल इंटेलिजन्स आणि डेटा ॲनालिटिक्स या अभ्यासक्रमांवर भर देत आहे. क्रीडा उत्कर्ष अभियानांतर्गत खेळात चमकदार कामगिरी करणाऱ्या विद्यार्थ्यांचा समावेश करण्याच्या उपक्रमाला सुरुवात केल्याने विविध खेळांमध्ये राष्ट्रीय विजेतेपद मिळविणाऱ्या पाच विद्यार्थ्यांना संस्थेत शिक्षण घेण्याची संधी दिली जात आहे."