NEET PG परीक्षेचे हॉल तिकीट प्रसिद्ध 

एज्युवार्ता न्युज नेटवर्क

वैद्यकीय अभ्यासक्रमाच्या प्रवेशासाठी येत्या 11 ऑगस्ट रोजी होणार्‍या नीट पीजी (NEET PG) परीक्षेचे हॉल तिकिट ( Hall Ticket) प्रसिद्ध करण्यात आले आहे. परीक्षेसाठी नोंदणी केलेले उमेदवार (candidates) natboard.edu.in या अधिकृत वेबसाइटवरून आपले हॉल तिकिट डाऊनलोड करू शकतात.

हॉल तिकीट डाउनलोड करण्यासाठी प्रथम natboard.edu.in या अधिकृत वेबसाइटवर जा. त्यांनतर होमपेजवर तुम्हाला एक लिंक दिसेल.  ज्यावर NEET PG 2024 Admit Card Link असे लिहिले असेल, त्यावर क्लिक करा. असे केल्याने एक नवीन पेज उघडेल. या पृष्ठावर तुम्हाला तुमचे लॉगिन तपशील प्रविष्ट करावे लागतील. तपशील प्रविष्ट करा आणि सबमिट बटण दाबा. हे केल्यानंतर प्रवेशपत्र संगणकाच्या स्क्रीनवर दिसेल. ते तपासा, डाउनलोड करा आणि पुढील संदर्भासाठी हार्डकॉपी ठेवा.

दरम्यान, सध्या या परीक्षेसंदर्भातही वाद निर्माण झाला आहे. मागील दोन दिवसांपासून या पेपरच्या प्रश्नपत्रिका टेलिग्राम या सोशल मीडियावर लिक झाल्याचा दावा होत आहे. (Paper leak on social media) तर नॅशनल बोर्ड ऑफ एक्झामिनेशन इन मेडिकल सायन्सेसने (NBEMS) या विरोधात पोलिसात तक्रार केली आहे.तर दुसरीकडे,परीक्षा केंद्र सोईच्या ठिकाणी नसल्यामुळे विद्यार्थ्यांना अडचणी येत आहेत. त्यामुळे ही परीक्षा पुढे ढकलावी अशी याचिका कोर्टात दाखल करण्यात आली आहे. या याचिकेवर 9 ऑगस्ट रोजी सुनावणी पार पडणार आहे.