'नॅक' समिती २२ ऑक्टोबरपासून ३ दिवशीय मराठवाडा विद्यापीठ पहाणी दौर्‍यावर 

एज्युवार्ता न्यूज नेटवर्क

छत्रपती संभाजीनगर येथील डॉ. बाबासाहेब आंबेडकर मराठवाडा विद्यापीठ (Dr. Babasaheb Ambedkar Marathwada University) पाचव्यांदा 'नॅक'ला सामोरे जात आहे. 'नॅक पिअर टीम' (Nack Peer Team) २२ ते २४ ऑक्टोबर रोजी ३ दिवशीय विद्यापीठाला पहाणी दौर्‍यावर (3 days on a visit of the university) असणार आहे. तयारीच्या पार्श्वभूमीवर विद्यापीठाकडून विविध १६ समित्या गठित केल्या आहेत. डॉ. विजय फुलारी यांनी कुलगुरूपदाची सूत्रे हाती घेतल्यानंतर (Vice Chancellor Dr. Vijay Phulari) 'नॅक'चे काम प्राधान्याने हाती घेतले असून, त्यांनी राष्ट्रीय अधिस्वीकृती व अधिमान्यता परिषदेस (नॅक) स्वयं मूल्यमापन अहवाल (एसएसआर) सादर केला आहे. 

दरम्यान, 'नॅक'च्या पूर्वतयारीच्या अनुषंगाने कुलगुरू डॉ. फुलारी यांनी मध्यल्या काळात काळात ४४ विभागांसह सपोर्ट सिस्टिम राबविणाऱ्या प्रशासकीय विभागांना भेट दिली, 'नॅक' तयारीचा आढावा घेऊन त्यांनी काही सूचना केल्या. विद्यापीठ आता 'नॅक' साठी सज्ज झाले आहे. 

डॉ. बाबासाहेब आंबेडकर मराठवाडा विद्यापीठासाठी 'नॅक'ची प्रा. ए. एन. राय यांच्या अध्यक्षतेखाली सात सदस्यीय समिती येणार आहे. या पिअर टीम मध्ये सदस्य समन्वयक म्हणून प्रा. विमला एम. तर प्रा. विशाल गोयल, प्रा. रोव्हरू नागराज, प्रा. ग्यानेंद्र कुमार राऊत, प्रा. साबियासी सारखेल व प्रा. के. एस. चंद्रशेखर हे सदस्य आहेत. 

२२ ते २४ ऑक्टोबर या कालावधीत समिती विवध विभागांना भेट देणार आहे. ही समिती या काळात दररोज सकाळी ९ ते सायंकाळी नियोजित काम संपेपर्यंत भेटी देणार आहे. तसेच शैक्षणिक, प्रशासकीय विभागांसोबत वसतिगृहे, ज्ञानस्रोत केंद्रानाही भेट देणार आहे. शिवाय विद्यार्थी, संशोधक, माजी विद्यार्थी, पालक, विभागप्रमुख, अधिष्ठाता, कर्मचारी, व्यवस्थापन परिषद सदस्य आदींशी संवाद साधला जाणार आहे.