आरोग्य आणि कुटुंब कल्याण मंत्रालयाच्या विविध पदांसाठी 1 हजार 217 जागांवर भरती

एज्युवार्ता न्यूज नेटवर्क 

भारत सरकारच्या आरोग्य आणि कुटुंब कल्याण मंत्रालयाच्या (Ministry of Health and Family Welfare) अंतर्गत HLL Lifecare Limited मध्ये विविध पदांच्या 1 हजार 217 जागांसाठी भरती प्रक्रिया सुरू (Recruitment process for 1217 seats started) करण्यात आली आहे. या भरतीअंतर्गत लेखाधिकारी, प्रशासकीय सहाय्यक, प्रकल्प समन्वयक, केंद्र व्यवस्थापक यासह अनेक पदे भरली जाणार आहेत. या भरतीसाठी ऑफलाइन पद्धतीने अर्ज करावा लागेल. इच्छुक आणि पात्र उमेदवार अधिकृत https://www.lifecarehll.com या संकेतस्थळावर अर्ज भरू शकतात. अर्ज भरण्याची अंतिम मुदत 17 जुलैपर्यंत (Deadline for submission of applications is July 17) देण्यात आली आहे. 

यामध्ये वरिष्ठ डायलिसिस तंत्रज्ञ/डायलिसिस तंत्रज्ञ/कनिष्ठ/सहाय्यक डायलिसिस तंत्रज्ञ- 1206, लेखाधिकारी-2, प्रशासन सहाय्यक-2, प्रकल्प समन्वयक-1, केंद्र व्यवस्थापक-5 अशा एकूण 1 हजार 217  जागांसाठी ही भरती प्रक्रिया राबाववली जाणार आहे. HLL Lifecare Limited मध्ये भरतीसाठी उमेदवारांचे कमाल वय ३७ वर्षे असावे. 

वरिष्ठ डायलिसिस तंत्रज्ञ पदासाठी, उमेदवाराकडे मेडिकल डायलिसिस टेक्नॉलॉजी/रेनल डायलिसिस टेक्नॉलॉजीमध्ये डिप्लोमा किंवा बीएससी आणि किमान आठ वर्षांचा अनुभव असलेले  असणे आवश्यक आहे. किमान सहा महिन्यांच्या अनुभवासह मेडिकल डायलिसिस टेक्नॉलॉजी/रेनल डायलिसिस टेक्नॉलॉजीमध्ये एमएससी  असलेले उमेदवार पात्र असणार आहेत.

डायलिसिस टेक्निशियनसाठी उमेदवाराकडे मेडिकल डायलिसिस टेक्नॉलॉजीची पदवी आणि सात वर्षांचा कामाचा अनुभव असणे आवश्यक आहे.मेडिकल डायलिसिस टेक्नॉलॉजी / रेनल डायलिसिस टेक्नॉलॉजीमध्ये डिप्लोमा किंवा बीएससी आणि पाच वर्षांचा अनुभव असलेला अर्जदारही या पदासाठी अर्ज करू शकतो. उमेदवाराकडे डायलिसिस टेक्नॉलॉजीमध्ये एमएससी पदवी असेल, तसेच दोन वर्षांचा अनुभव असेल, तोही या पदासाठी पात्र आहे.

अर्ज कसा करावा

प्रथम HLL Lifecare च्या अधिकृत वेबसाइट https://www.lifecarehll.com/ ला भेट द्या. मोबाईल आणि ईमेल आयडी द्वारे स्वतःची नोंदणी करा. तुमचा नोंदणीकृत आयडी आणि पासवर्ड वापरून तुमची आवश्यक माहिती सबमिट करून अर्ज भरा आणि आपले कागदपत्रे अपलोड करा. आवश्यक ती अर्ज फी भरा. अर्ज सबमिट करा आणि डाउनलोड करून प्रिंट काढून घ्या.