विद्यार्थ्यांना दिलासा! अभियंता भरती प्रक्रियेत मराठी विषय समाविष्ट

एज्युवार्ता न्यूज नेटवर्क

सिडको महामंडळाच्या सहाय्यक अभियंता (स्थापत्य) भरती (CIDCO Corporation Recruitment for Assistant Engineer) प्रक्रियेतून मराठी विषय वगळण्यात आला होता. त्यामुळे या विद्यार्थ्यांमध्ये प्रचंड संताप पाहायला मिळत होता. मात्र, आता या विद्यार्थ्यांना दिलासा मिळाला आहे. कारण आता या भरती प्रक्रियेत मराठी विषय समाविष्ट (Marathi subjects included) करण्यात आला आहे. महाराष्ट्रातील विद्यार्थ्यांचे मराठीतील गुण हक्काचे (Marathi subject marks) असल्याने यामध्ये मार्जिंग मिळवण्याची त्यांना महत्त्वाची संधी मिळते.

एम.फिल. उमेदवारांना नेट परीक्षेतून सूट देण्याचा जीआर प्रसिद्ध; पात्र, अपात्र प्राध्यापकांची नावे जाहीर

या पूर्वी १८ जानेवारी २०२४ रोजी प्रकाशित केलेल्या भरती जाहिरातीत इंग्रजी, सामान्यज्ञान, आकलन क्षमता व व्यावसायिक ज्ञान हेच विषय होते. मात्र, मराठी विषयाचा उल्लेख नसल्यामुळे उमेदवारांत नाराजी होती. त्यानंतर सिडकोने ९ जानेवारी २०२५ रोजी अधिसूचना काढत मराठी विषय परिक्षेत समाविष्ट केल्याचे जाहीर केले आहे. मात्र, आता या निर्णयाची प्रत्यक्ष अंमलबजावणी करण्यात आली आहे.
_____________________________________

सिडको महामंडळाच्या सहाय्यक अभियंता (स्थापत्य) भरती प्रक्रियेतून मराठी विषय वगळण्यात आल्याने विद्यार्थ्यांमध्ये प्रचंड संताप होता. या उमेदवारांनी माझ्याकडे तक्रार केली. त्यानंतर मी तात्काळ तत्कालीन मुख्यमंत्री एकनाथ शिंदे व सिडको प्रशासनाशी पत्रव्यवहार करून पाठपुरावा केला. त्यानंतर सिडकोने अधिसूचना काढत मराठी विषय या भरती प्रक्रियेत समाविष्ट करण्यात आल्याचे जाहीर केले.

- संदीप पाचंग, सरचिटणीस, मनसे विद्यार्थी सेना