मराठी भाषा विद्यापीठाचे कुलगुरू डॉ. अविनाश आवलगावकर यांच्या कार्यकाळात एक वर्षाने वाढ

एज्युवार्ता न्यूज नेटवर्क

मराठी भाषा अमरावती विद्यापीठ विद्यापीठाचे (Marathi Language Amravati University University) पहिले कुलगुरू डाॅ. अविनाश आवलगावकर (Vice Chancellor Dr. Avinash Avalgaonkar) यांच्या कार्यकाळात एक वर्षाने वाढ करण्यात आली आहे. त्यासंदर्भाचा शासन आदेश उच्च व तंत्रशिक्षण विभागाने (Department of Higher and Technical Education) प्रसिद्ध केला आहे. सध्याचे कुलगुरू आवलगावक यांच्या कार्यकाळ ४ सप्टेंबर रोजी समाप्त होत आहे आणि नवीन कुलगुरू नियुक्तीसाठी कालावधी लागत असल्याने आवलगावकर यांच्या कार्यकाळात एक वर्षाने वाढ (Term extended by one year) करण्यात येत असल्याचे शासन आदेशा नमूद करण्यात आले आहे.

'शालार्थ आयडी घोटाळ्या'तील गुन्ह्यांची आता राज्यव्यापी चौकशी

मराठी भाषा विद्यापीठ, रिद्धपूर, जिल्हा अमरावती विद्यापीठाचे प्रथम कुलगुरु डॉ. अविनाश आवलगावकर यांच्या नियुक्तीचा कालावधी दिनांक ५ सप्टेंबर २०२५ पासून एक वर्षाच्या कालावधीसाठी किंवा कुलपतींद्वारे नियमित कुलगुरूंची नियुक्ती होईपर्यत या पैकी जे अगोदर घडेल तोपर्यंत वाढविण्यात येत आहे, असे या आदेशात स्पष्ट करण्यात आले आहे.

मराठी भाषा विद्यापीठ अधिनियम, २०२३ मधील कलम ८७ नुसार प्रदान करण्यात आलेल्या अधिकारांचा वापर करून महाराष्ट्र शासनाने डॉ. अविनाश आवलगावकर यांची मराठी भाषा विद्यापीठ, रिद्धपूर, जिल्हा - अमरावती या विद्यापीठाचे प्रथम कुलगुरू म्हणून नियुक्ती केली आहे. सदर नियुक्तीचा कार्यकाल दिनांक ४ सप्टेंबर २०२५ रोजी संपुष्टात येत आहे. मराठी भाषा विद्यापीठ अधिनियम २०२३ कलम १० (३) मधील तरतुदीनुसार कुलपतींद्वारे नियमित कुलगुरूंची नियुक्ती होण्यास काही लागण्याची शक्यता आहे. दरम्यान विद्यापीठाच्या कुलगुरूंचे पद रिक्त राहणे योग्य ठरणार नाही. त्यामुळे आवलगावकर यांचा कार्यकाळ एक वर्षाने वाढवण्यात येत असल्याचे नमूद केले आहे.