महाराष्ट्र राज्य परीक्षा परिषदेच्या आयुक्तपदी महेश चोथे
परीक्षा परिषदेला पूर्ण वेळ आयुक्त असणे गरजेचे होते. अखेर तात्पुरत्या पदोन्नतीने महेश चौथे यांना पूर्णवेळ आयुक्त पदाची जबाबदारी देण्यात आली आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेच्या आयुक्तपदी महेश चोथे यांची नियुक्ती करण्यात आली आहे. तर देविदास कुल्लाळ यांची राज्य प्रकल्प समन्वयक तथा मुंबई येथील सहसंचालक महाराष्ट्र प्राथमिक शिक्षण परिषद येथे पदस्थापना करण्यात आली आहे. राज्याच्या शालेय शिक्षण विभागातर्फे यासंदर्भातील अध्यादेश प्रसिद्ध करण्यात आला आहे.
महाराष्ट्र राज्य परीक्षा परिषदेच्या आयुक्त पदाची अतिरिक्त जबाबदारी बालभारतीच्या संचालिका अनुराधा ओक यांच्याकडे देण्यात आली होती. इयत्ता पाचवी व आठवी तसेच इयत्ता चौथी व सातवीच्या विद्यार्थ्यांच्या शिष्यवृत्ती परीक्षेसह टीईटी परीक्षा (TET) टेट परीक्षा (TAIT) अशा विविध परीक्षा परीक्षा परिषदेच्या आयुक्तांच्या नियंत्रणाखाली आयोजित केल्या जातात.त्यामुळे परीक्षा परिषदेला पूर्ण वेळ आयुक्त असणे गरजेचे होते. अखेर तात्पुरत्या पदोन्नतीने महेश चौथे यांना पूर्णवेळ आयुक्त पदाची जबाबदारी देण्यात आली आहे.
महेश चोथे हे कोल्हापूर येथे विभागीय शिक्षण उपसंचालक म्हणून कार्यरत होते. त्यानंतर आता त्यांच्याकडे परीक्षा परिषदेच्या आयुक्त पदाची जबाबदारी सोपवली आहे.टीईटी परीक्षेत झालेल्या घोटाळ्यानंतर परीक्षा परिषदेच्या आयुक्त पदाकडे काटेरी मुकुट म्हणून पाहिले जाते.त्यात आता वर्षातून दोन वेळा टीईटी परीक्षा घ्यावी लागणार आहे. आयुक्त म्हणून कामाचा व्याप वाढणार आहे.
