NEET UG समुपदेशनासाठी नोंदणी प्रक्रिया झाली सुरू
राष्ट्रीय पात्रता प्रवेश परीक्षा उत्तीर्ण झालेले इच्छुक उमेदवार cetcell.mahacet.org या अधिकृत वेबसाइटला भेट देऊन केंद्रीकृत प्रवेश प्रक्रियेसाठी अर्ज करू शकतात.
eduvarta@gmail.com 
एज्युवार्ता न्युज नेटवर्क
महाराष्ट्राने राज्य NEET UG समुपदेशनासाठी नोंदणी प्रक्रिया सुरू केली आहे. याद्वारे राज्यातील शासकीय (Government), खासगी (Private) वैद्यकीय (Medical) व दंत महाविद्यालयांमध्ये (Dental College) एमबीबीएस (MBBS), बीडीएस (BDS), बीएएमएस (BAMS), बीएचएमएस (BHMS), बीयूएमएस (BUMS) आणि इतर वैद्यकीय अभ्यासक्रमांना प्रवेश (Admission) दिले जाणार आहेत.
राष्ट्रीय पात्रता प्रवेश परीक्षा (NEET UG 2024) उत्तीर्ण झालेले इच्छुक उमेदवार cetcell.mahacet.org या अधिकृत वेबसाइटला भेट देऊन केंद्रीकृत प्रवेश प्रक्रियेसाठी (CAP) अर्ज करू शकतात. अर्ज करण्याची आणि कागदपत्रे जमा करण्याची शेवटची तारीख २३ ऑगस्ट असणार आहे.
समुपदेशनासाठी नोंदणी करताना स्कॅन केलेली कागदपत्रे अपलोड करण्याच्या प्रक्रियेसाठी ऑनलाईन नोंदणी दरम्यान उमेदवारांना सर्व आवश्यक कागदपत्रे अपलोड करावी लागतील. त्यानंतर कागदपत्र पडताळणी प्रक्रियेच्या वेळी सर्व मूळ कागदपत्रे सादर करणे आवश्यक आहे. तसेच पेमेंट यशस्वीरित्या पूर्ण झाल्यानंतर, उमेदवाराला मूळ कागदपत्रांची रंगीत स्कॅन केलेली प्रत अपलोड करावी लागेल.कागदपत्रांच्या छायाप्रती अपलोड करू नयेत. कागदपत्रांचा आकार 300 KB पेक्षा कमी असावा. कागदपत्रे फक्त पीडीएफ फॉरमॅटमध्ये अपलोड करावीत. या गोष्टींची विशेष काळजी घ्यावी.
ऑनलाइन नोंदणी फॉर्म भरल्यानंतर उमेदवाराने सबमिट बटण दाबावे. त्यानंतरच त्यांचा फॉर्म प्रक्रियेत तात्पुरता स्वीकारला जाईल. यशस्वीरित्या फी भरल्यानंतरच उमेदवाराला प्रक्रियेसाठी नोंदणीकृत मानले जाईल. उमेदवाराने फक्त एक ऑनलाइन नोंदणी फॉर्म भरावा. नोंदणी फॉर्म सबमिट करण्यापूर्वी, तो पूर्णपणे तपासा आणि आवश्यक असल्यास दुरुस्त्या किंवा बदल करा. याशिवाय एकदा सबमिट केल्यानंतर, नोंदणी फॉर्म संपादित केला जाऊ शकत नाही. बँक पेमेंट मिळाल्यानंतरच फॉर्म वैध मानला जाईल. एकदा भरलेले पेमेंट कोणत्याही परिस्थितीत परत केले जाणार नाही.
