MCC NEET UG 2024 : समुपदेशनासाठी अंतिम सीट मॅट्रिक्स जाहीर
NEET UG फेरी 1 चॉईस फिलिंग 16 ऑगस्टपासून सुरू झाली असून 20 ऑगस्ट रोजी संपणार आहे.
eduvarta@gmail.com 
एज्युवार्ता न्युज नेटवर्क
वैद्यकीय समुपदेशन समिती (MCC) ने MBBS, BDS, BSc नर्सिंग आणि इतर UG वैद्यकीय अभ्यासक्रमांसाठी NEET UG 2024 समुपदेशनास (counseling) अंतिम सीट मॅट्रिक्स जाहीर केले आहेत. यासोबतच एमसीसीने कागदपत्रांच्या छाननीनंतर 1 हजार 37 उमेदवारांची यादी (candidates list) प्रसिद्ध केली आहे.
NEET UG फेरी 1 चॉईस फिलिंग 16 ऑगस्टपासून सुरू झाली असून 20 ऑगस्ट रोजी संपणार आहे. वैध NEET UG स्कोअर 2024 असलेल्या वैद्यकीय उमेदवारांनी प्राधान्यक्रमानुसार अभ्यासक्रम आणि महाविद्यालयांच्या निवडीची यादी सबमिट करणे आवश्यक आहे. उमेदवारांनी नोंद घ्यावी की, MCC NEET UG समुपदेशन नोंदणी दोन दिवसांत बंद होईल. ज्या उमेदवारांनी त्यांची श्रेणी भारतीय वरून NRI मध्ये बदलली आहे. त्यांनी अहवाल देताना मूळ कागदपत्रे सादर करणे आवश्यक आहे. अन्यथा त्यांचा प्रवेश रद्द केला जाऊ शकतो.
आरोग्य आणि कुटुंब कल्याण मंत्रालयाने अलीकडेच माहिती दिली की, भारतात एमबीबीएसच्या एकूण 1 लाख 12 हजार 112 जागा आहेत. देशभरात 731 नवीन वैद्यकीय महाविद्यालये स्थापन झाली आहेत. NEET UG समुपदेशन 2024 च्या तारखांनुसार, नोंदणी, निवड भरणे, लॉक करणे, फी भरणे या सुविधा 20 ऑगस्ट रोजी संपतील. NEET UG फेरी 1 जागा वाटप निकाल 23 ऑगस्ट रोजी घोषित केला जाईल. विद्यार्थ्यांना आवश्यक कागदपत्रांसह वाटप केलेल्या महाविद्यालयात अहवाल देण्यासाठी 24 ते 29 ऑगस्ट दरम्यान वेळ देण्यात येणार आहे.
