UPSC संयुक्त चिकित्सा सेवा परीक्षाचे प्रवेशपत्र प्रसिद्ध; 14 जुलै रोजी होणार परीक्षा.. 

एज्युवार्ता न्यूज नेटवर्क

केंद्रीय लोकसेवा आयोगा (UPSC) द्वारे चिकित्सा सेवा परीक्षा (Medical Services Examination) 14 जुलै रोजी देशभरातील नियुक्त परीक्षा केंद्रांवर घेतली जाईल. या भरती परीक्षेसाठी अर्ज केलेल्या सर्व उमेदवारांना UPSC द्वारे त्यांचे हॉल तिकीट प्रसिद्ध (Admit card released) करण्यात आले आहे. हॉल तिकीटाची लिंक UPSC च्या अधिकृत वेबसाइट upsconline.nic.in वर उपलब्ध आहे असून नोंदणी आयडी किंवा रोल नंबर टाकून ते डाउनलोड करू शकता.

उमेदवारांनी हे लक्षात ठेवावे की, जेव्हा ते परीक्षा देण्यासाठी परीक्षा केंद्रावर जातील, तेव्हा त्यांनी नियोजित वेळेपूर्वी त्यांची उपस्थिती सुनिश्चित करावी. तुमची पडताळणी करता यावी म्हणून केंद्रावर तुमच्यासोबत हॉल तिकिट आणि वैध ओळखपत्र घेऊन जाणे बंधनकारक आहे. हॉल तिकीट आणि ओळखपत्र न देणाऱ्या उमेदवारांना परीक्षा हॉलमध्ये प्रवेश दिला जाणार नाही. परीक्षा केंद्रावर कोणत्याही प्रकारचे इलेक्ट्रॉनिक गॅझेट घेऊन जाऊ नये, असे युपीएससीकडून सांगण्यात आले आहे. 

असे डाउनलोड करा प्रवेशपत्र 

UPSC CMS प्रवेशपत्र 2024 डाउनलोड करण्यासाठी, प्रथम अधिकृत वेबसाइट upsconline.nic.in वर जा. वेबसाइटच्या होम पेजवर UPSC च्या विविध परीक्षांसाठी e-Admit Cards या लिंकवर क्लिक करा. त्यानंतर Combined Medical Services Examination, 2024 समोर दिलेल्या DOWNLOAD या लिंकवर क्लिक करा. तुम्हाला पुन्हा Click Here लिंकवर क्लिक करून पुढे जावे लागेल. आता तुम्हाला जन्मतारखेसह नोंदणी आयडी किंवा रोल नंबर टाकावा लागेल. माहिती सबमिट करताच, तुमचे प्रवेशपत्र स्क्रीनवर उघडेल जिथून तुम्ही ते डाउनलोड करू शकता आणि प्रिंटआउट घेऊ शकता.