माझी शाळा, सुंदर शाळा स्पर्धेत अनियमितता; मुख्याध्यापकाचे शिक्षण विभागावर गंभीर आरोप 

एज्युवार्ता न्यूज नेटवर्क 

मुख्यमंत्री माझी शाळा सुंदर शाळा स्पर्धेच्या (Chief Minister My School Beautiful School Competition) पारितोषिक वितरणात अनियमितता (Irregularities in prize distribution) झाली असून ऐनवेळी स्पर्धेचे निकष बदलेले (The competition criteria changed at the last time) असल्याचा गंभीर आरोप विदर्भातील एका मुख्याध्यापकाने केले आहेत. ऐनवेळी बदलल्या निकषामुळे अनेक पात्र शाळा बक्षिसांपासून वंचित राहिल्या आहेत. तसेच हे प्रकरण न्याय प्रतिष्ठ असताना पुण्याच्या शिक्षण आयुक्त कार्यालयाने पारितोषिक वितरणाची तयारी 'माझी शाळा सुंदर शाळा समुद्रपूर अभियान' (My School, Beautiful School Samudrapur Mission) चालविली आहे, असे आरोप वर्धा जिल्ह्यातील धोंडगावच्या सरस्वती विद्यालयाचे मुख्याध्यापक अतुल देवढे (Principal Atul Devdhe) यांनी पत्रकार परिषदेत केले आहेत. 

राज्य शासनाने २०२३-२४ पासून मुख्यमंत्री माझी शाळा सुंदर शाळा स्पर्धा सुरू केली. या स्पर्धेचा दुसरा टप्पा २०२४-२५ मध्ये राबविण्यात आला. यासाठी शासन निर्णयानुसार काही निकष घालून देण्यात आले. यात राज्यातील अनेक शाळांनी सहभागी होऊन संबंधित निकषांची पूर्तता केली. स्पर्धा होऊन स्पर्धेचे मूल्यांकनही करण्यात आले. परंतु सर्व काही झाल्यानंतर शिक्षण आयुक्त कार्यालयाने या स्पर्धेचे ९० टक्के निकष बदलले त्यामुळे अनेक पात्र शाळा बक्षिसांपासून वंचित राहिल्या असल्याचे मत देवढे यांनी व्यक्त केले आहे. 

या प्रकरणी मुख्याध्यापक अतुल देवढे यांनी मुंबई उच्च न्यायालयाच्या नागपूर खंडपीठात याचिका देखील दाखल केली असल्याचे सांगण्यात आले आहे. न्यायालयाने शासन निर्णयानुसार कार्यवाही करण्याचे आदेश दिले. परंतु तरी देखील शिक्षण आयुक्त कार्यालयाने न्यायालयाच्या निर्णयाकडे दुर्लक्ष केले. प्रकरण न्यायप्रविष्ठ असताना आता शिक्षण आयुक्त कार्यालयाने या स्पर्धेच्या पारितोषिक वितरणाची तयारी केली आहे. त्यामुळे न्यायालयाने अंतिम निकाल देईपर्यंत या स्पर्धेचे पारितोषिक वितरण करू नये, अशी मागणी मुख्याध्यापक देवढे यांनी केली आहे.