बार्टीमार्फत राज्यसेवा पूर्व परीक्षा २०२४ उतीर्ण उमेदवारांना १५ हजार रुपये
या योजनेचा लाभ घेण्यासाठी उमेदवाराने दोन्ही स्वरूपात म्हणजेच ऑनलाइन व ऑफलाइन अर्ज करणे बंधनकारक आहे. केवळ ऑनलाइन अर्ज किंवा फक्त हार्ड कॉपी जमा केल्यास उमेदवाराचा अर्ज ग्राह्य धरला जाणार नाही याचीही विद्यार्थ्यांनी नोंद घ्यावी.
eduvarta@gmail.com 
एज्युवार्ता न्यूज नेटवर्क
अनुसूचित जातींच्या उमेदवारांसाठी मोठी बातमी आहे. बार्टीमार्फत महाराष्ट्र राज्यातील अनुसूचित जातीच्या उमेदवारांना (Scheduled Caste candidates from Maharashtra state through Barti) एमपीएससीच्या मुख्य परीक्षेकरिता (MPSC Main Exam) एकर कमी 15 हजार रुपये आर्थिक सहाय्य (Financial assistance) देण्यात येणार आहे. मात्र, हा लाभ घेण्यासाठी उमेदवार दिनांक 12 मार्च 2025 रोजी जाहीर झालेली एमपीएससी राज्यसेवा पूर्व परीक्षा 2024 उत्तीर्ण असणे आवश्यक (Must have passed the MPSC State Service Preliminary Examination 2024 announced on March 12, 2025) आहे.
अर्ज करण्यासाठी उमेदवारांनी 14 एप्रिल 2025 पूर्वी https://docs.google.com/forms/d/1BxBtqnakYtRBjHhoZXeykkiSKKY35FdOlZwsmXWNjFM/viewform?edit_requested=true या लिंकवर जाऊन गुगल फॉर्म ऑनलाइन पद्धतीने भरणे बंधनकारक असणार आहे.
विद्यार्थ्याने अपूर्ण माहिती भरल्यास अथवा माहिती लपवल्यास तसेच एकाच विद्यार्थ्याने वेगवेगळी माहिती भरून एकापेक्षा जास्त वेळा अर्ज भरल्यास विद्यार्थ्यांची उमेदवारी बार्टी मार्फत रद्द करण्यात येईल व आर्थिक सहाय्याची संपूर्ण रक्कम वसूल करण्यात येईल, असे संस्थेमार्फत सांगण्यात आले आहे.
यासाठी अर्ज करण्याकरिता उमेदवाराकडे जातीचा दाखला, रहिवासी दाखला, एमपीएससी राज्यसेवा पूर्व परीक्षा 2023 चे प्रवेशपत्र, आधार कार्ड तसेच कोणत्याही राष्ट्रीयकृत बँक पासबुकच्या पहिल्या पानाची छायांकित प्रत असणे आवश्यक आहे.
दरम्यान, या योजनेचा लाभ घेण्यासाठी उमेदवाराने दोन्ही स्वरूपात म्हणजेच ऑनलाइन व ऑफलाइन अर्ज करणे बंधनकारक आहे. केवळ ऑनलाइन अर्ज किंवा फक्त हार्ड कॉपी जमा केल्यास उमेदवाराचा अर्ज ग्राह्य धरला जाणार नाही याचीही विद्यार्थ्यांनी नोंद घ्यावी.
