शिक्षण मंत्रालयाच्या ICSSR विभागात इंटर्नशिपची संधी; असा करा अर्ज

एज्युवार्ता न्युज नेटवर्क 

शिक्षण पूर्ण केल्यानंतर, जे उमेदवार इंटर्नशिपची (Internship) संधी शोधत आहेत त्यांच्यासाठी आनंदाची बातमी आहे. शिक्षण मंत्रालयाच्या (Ministry of Education) भारतीय सामाजिक विज्ञान संशोधन परिषदेत (ICSSR) पूर्णवेळ इंटर्नशिपसाठी पात्र उमेदवारांकडून अर्ज (Candidates form) मागवण्यात येत आहेत. इच्छुक आणि पात्र उमेदवार 26 ऑगस्ट 2024 पर्यंत अधिकृत वेबसाइट icssr.org वर जाऊन ऑनलाइन फॉर्म भरू शकतात.

शिक्षण मंत्रालयाच्या या इंटर्नशिप दरम्यान उमेदवारांना अनेक नवीन गोष्टी शिकायला मिळणार आहेत. शिक्षण मंत्रालयाच्या या इंटर्नशिपसाठीचा अर्ज करण्यासाठी,उमेदवारांना मान्यताप्राप्त विद्यापीठातून किमान 55 टक्के गुणांसह M.A./M.Sc पदवी असणे आवश्यक आहे. ज्या उमेदवारांनी सामाजिक विज्ञान/मानवता/आंतर-विषय अभ्यास किंवा त्याच्या समकक्ष अभ्यास केला आहे असे उमेदवार देखील अर्ज करण्यास पात्र आहेत. 

इंटर्नशिपचा कालावधी 6 महिने असेल. निवड झाल्यानंतर, उमेदवारांना दरमहा 25,000 रुपये स्टायपेंड दिले जाईल. निवड प्रक्रिया- शॉर्टलिस्टिंगच्या आधारे इंटर्नशिपसाठी उमेदवारांची निवड केली जाईल.

गुगल लिंकच्या मदतीने उमेदवार ICSSR इंटर्नशिपसाठी अर्ज करू शकतात. उमेदवारांना ऑफलाइन मोडमध्ये दर आठवड्याला ४० तास काम करावे लागेल. सोमवार ते शुक्रवार सकाळी 9.30 ते संध्याकाळी 6 वाजेपर्यंत त्यांच्या कामाच्या वेळा असतील. या इंटर्नशिप प्रोग्रामशी संबंधित इतर कोणत्याही माहितीसाठी, उमेदवार ICSSR च्या अधिकृत वेबसाइटला भेट देऊ शकतात.