प्रियदर्शनी स्कूलतर्फे ध्वजारोहणाचा मान स्पेशल गिफ्टेड चाईल्डला
ध्वजारोहणाचा मान यंदा एका स्पेशल गिफ्टेड चाईल्ड दिपिका स्वाती भरत पाटील या विद्यार्थीनीला देण्यात आला आहे.
eduvarta@gmail.com 
एज्युवार्ता न्यूज नेटवर्क
प्रजासत्ताक दिनानिमित्त (Republic Day)भोसरी परिसरातील इंद्रायणी नगर येथील प्रियदर्शनी स्कूल सीबीएसईतर्फे (Priyadarshani School- CBSE) केल्या जाणाऱ्या ध्वजारोहणाचा (flag hoisting) मान यंदा एका स्पेशल गिफ्टेड चाईल्ड (Special Gifted Child) दिपिका स्वाती भरत पाटील (Dipika Swati Bharat Patil)या विद्यार्थीनीला देण्यात आला आहे.येत्या रविवारी 26 जानेवारी रोजी दीपिकाच्या हस्ते ध्वजारोहण केले जाणार आहे.
दिपिका स्वाती भरत पाटील ही एक स्पेशल गिफ्टेड चाईल्ड म्हणून शाळेत दाखल झाली. तेव्हा शाळेने तिला सर्वसमावेशक शिक्षणांतर्गत प्रवेश दिला.ती इयत्ता पहिलीपासून प्रियदर्शनी शाळेत शिक्षण घेत आहे.आता ती इयत्ता दहावीत शिक्षण घेत आहे. प्रियदर्शनी स्कूलने सर्वसामान्य विद्यार्थ्यांबरोबर तिला शिकण्याची संधी उपलब्ध करून दिली. तिच्यामध्ये सुधारणा घडवून आणण्यासाठी शाळेतील रेमेडियल सेंटरचा खूप मोठ्या प्रमाणात हातभार लाभला. जवळजवळ सर्व अडचणीवर मात करून तिने नृत्य, अभिनय, रेखाचित्र यामध्ये प्राविण्य मिळवले आहे. लहानपणापासून तिने दाखवलेला आशावादी दृष्टीकोन, तिच्यातील साहस, सातत्यपूर्ण प्रयत्न आणि सकारात्मक दृष्टीकोन याची नोंद घेत शाळेने यावर्षी २६ जानेवारीचे औचित्य साधून तिला ध्वज फडकविण्याचा मान दिला आहे.
