प्रियदर्शनी स्कूलचा 350 फूट तिरंगा ध्वज पदयात्रेत विशेष सहभाग
शाळेतील विद्यार्थ्यांनी मोठ्या उत्साहात या पदयात्रेत सहभागी होत राष्ट्रप्रेमाची भावना अधिक जागृत केली.
eduvarta@gmail.com 
एज्युवार्ता न्यूज नेटवर्क
प्रजासत्ताक दिनानिमित्त अखिल भारतीय विद्यार्थी परिषदेच्या वतीने आयोजित 350 फूट राष्ट्रध्वज तिरंगा पदयात्रा भोसरी-इंद्रायणी नगर येथील प्रियदर्शनी स्कूलच्या विशेष सहकार्याने काढण्यात आली. परिसरातील नागरिकांनी या पदयात्रेतील राष्ट्रध्वजावर पुष्पवृष्टी केली. शाळेतील विद्यार्थ्यांनी मोठ्या उत्साहात या पदयात्रेत सहभागी होत राष्ट्रप्रेमाची भावना अधिक जागृत केली.
प्रजासत्ताक दिनाच्या एक दिवस आधी प्रियदर्शनी स्कूलच्या विद्यार्थ्यांनी वंदे मातरम्..., भारत माता की जय...., अशा घोषणा देत मोठ्या संख्येने या पदयात्रेत सहभाग घेतला.तसेच देशभक्तीपर गीतांचे गायन करून प्रजासत्ताक दिन चिरायु होवो, अशी भावना व्यक्त केली. यावेळी परिसरातील नागरिक व लोकप्रतिनिधी यांनी पदयात्रेचे पुष्पवृष्टी करून स्वागत केले. देशभक्तीचे भरलेला आणि राष्ट्रध्वजाचा सन्मान करणार हा कार्यक्रम उत्साहात पार पडला.
प्रियदर्शनी स्कूलच्या (CBSE) प्राचार्या डॉ.गायत्री जाधव व प्रियदर्शनी स्कूल (SSC) च्या प्राचार्या अर्पिता दीक्षित यांच्यासह शाळेचे शिक्षक व शिक्षकेतर कर्मचारी या पदयात्रेत सहभागी झाले होते.
