परदेशी शिक्षण घेतलेले डाॅक्टर, मायदेशी नोंदणीच्या प्रतीक्षेत 

एज्युवार्ता न्यूज नेटवर्क 

परदेशात वैद्यकीय पदव्युत्तर शिक्षण (Overseas medical postgraduate education) घेऊन मायदेशी परतलेल्या डॉक्टरांना निकालानंतरही अनेक महिने नोंदणी क्रमांकासाठी प्रतीक्षा (Awaiting registration number) करावी लागत आहे. यामुळे पदव्युत्तर शिक्षण घेऊ पाहणाऱ्या किंवा प्रॅक्टिस करण्याचे नियोजन असलेल्या डॉक्टरांसमोर अडचणीं निर्माण झाल्या आहेत. परदेशी वैद्यकीय पदवीधर परीक्षा (Foreign Medical Graduate Examination) उत्तीर्ण झालेल्या डॉक्टरांना संबंधित राज्यातील परिषदेमार्फत सुरुवातीला तात्पुरता व नंतर कायम नोंदणी क्रमांक देण्यात येतो. मात्र, अद्याप ही नोंदणी प्रक्रिया सुरू न झाल्याने उमेदवार प्रतीक्षेत आहेत.  

या नोंदणी प्रक्रियेनंतर संबंधित डॉक्टर स्थानिकांना सेवा देऊ शकतात. महाराष्ट्र वैद्यकीय परिषदेने चार महिन्यांपासून अशा उमेदवारांना नोंदणी क्रमांक दिलेला नाही. त्यामुळे यामधील काही उमेदवार जे पदव्युत्तर परीक्षा पास झालेले आहेत परंतु त्यांना पुढील अभ्यासक्रमासाठी प्रवेश घ्यायचा आहे. तसेच काही मुलांना नोकरी व वैद्यकीय सेवा द्यायची आहे अशा मुलांना कायमचा नोंदणी क्रमांक न मिळाल्यामुळे अडचणी येत आहेत. नोंदणी क्रमांक क्रमांकामुळे संबंधित डॉक्टरांना भारतात इंटर्नशिप करता येते. ती पूर्ण झाल्यानंतर या उमेदवारांना कायमचा नोंदणी क्रमांक मिळतो. त्यानंतर त्यांचा भारतातील पदव्युत्तर शिक्षणाचा तसेच वैद्यकीय सेवेचा मार्ग सुकर होतो. 

भारतातील अनेक विद्यार्थी दरवर्षी रशिया, अझर बैजान, कझाकिस्तान, किर्गीस्तान, उझबेकिस्तान, बांगलादेश, नेपाळ, चीन, रुमानिया, फिलीपाईन्स,जॉर्जिया या देशांत वैद्यकीय पदवीचे (MBBS) शिक्षण घेण्यासाठी जातात. तेथून शिक्षण पूर्ण करून परतल्यानंतर भारतात थेट वैद्यकीय सेवा करण्यास मान्यता नाही. त्यासाठी आधी पात्रता परीक्षा द्यावी लागते आणि तिची काठिण्य पातळी खूप अधिक आहे. त्यामुळे या परीक्षेचे निकाल सातत्याने कमी लागला आहे यावर्षी ३४ हजार ६०८ विद्यार्थी परीक्षेला बसले होते. पैकी केवळ ७ हजार २३३ विद्यार्थी उत्तीर्ण झाले आहेत. या उत्तीर्ण डॉक्टरांमधील महाराष्ट्रातील आहेत त्यांना अद्याप नोंदणी क्रमांक न मिळाल्याने त्यांची पुढील वैद्यकीय प्रवास थांबला आहे. यामुळे वैद्यकीय शिक्षण पूर्ण केलेल्या विद्यार्थ्यांमध्ये नाराजी असल्याचे समोर येत आहे.