MPSCच्या विद्यार्थ्यांना आर्थिक सहाय्य योजनेस अर्ज करण्यास मुदतवाढ; बार्टीमार्फत 10 हजार रुपये

एज्युवार्ता न्यूज नेटवर्क

अनुसूचीतील जातीच्या उमेदवारांसाठी (Scheduled Caste candidates) महत्वाची बातमी समोर आली आहे. बार्टीमार्फत (BARTI) अनुसूचित जातीचे जे उमेदवार महाराष्ट्र लोकसेवा आयोग-अराजपत्रित गट-ब २०२४ पूर्व परीक्षा (Maharashtra Public Service Commission-Non-Gazetted Group-B 2024 Preliminary Exam) उत्तीर्ण झाले आहेत अशा उमेदवारांना मुख्य परीक्षेकरिता एकरकमी रक्कम १० हजार रुपये आर्थिक सहाय्य (Financial assistance) प्रदान करण्यात येणार आहे. यासाठी अर्ज (Application) करण्यासाठी उमेदवारांना पूर्वी ३० जून पर्यंत मुदत देण्यात आली होती मात्र, आता उमेदवार १० जुलैपर्यंत अर्ज करू शकतात.

याबाबतची जाहिरात बार्टीमार्फत यापूर्वीच वेबसाईटवर प्रसिद्ध करण्यात आली आहे. या जाहिराती मध्ये ऑनलाईन फॉर्म भरण्यासाठी गूगल फॉर्म लिंक उपलब्ध करून देण्यात आली होती. परंतु काही तांत्रिक कारणांमुळे गुगल फॉर्ममध्ये अर्ज भरता येत नाही असे आढळून आले आहे. त्याच पार्श्वभूमीवर अर्ज करण्यासाठी मुदतवाढ देण्यात आली आहे.

आता सर्व उमेदवारांनी https://forms.office.com/r/nrHvU६४dHA या लिंक वर जाऊन अर्ज भरावा. तसेच दि.१६/०६/२०२५ रोजी बार्टीच्या वेबसाईटवर प्रसिद्ध केलेला अर्ज व्यवस्थित भरून आवश्यक कागदपत्रांच्या साक्षांकित प्रतीसह जोडून बार्टी कार्यालयाच्या डॉ. बाबासाहेब आंबेडकर संशोधन व प्रशिक्षण संस्था, (बार्टी) २८. क्वीन्स गार्डन, कॅम्प पुणे-४११००१ या पत्यावर पाठवावा.

उमेदवारांनी हे लक्षात घ्यावे की, हार्ड कॉपी कार्यालयास न पाठविल्यास त्यांचे अर्ज ग्राह्य धरण्यात येणार नाही. पूर्वीच्या गुगल फॉर्म लिंकवर ज्या विद्याथ्यांनी अर्ज सादर केला होता, त्यांनीही नव्याने https://forms.office.com/r/nrHvU६४dHA या लिंकवर ऑनलाईन अर्ज पुन्हा करावा परंतु ज्यांनी हार्ड कॉपी पाठवलेली आहे त्यांनी नव्याने हार्ड कॉपी या कार्यालयास पाठविण्याची आवश्यकता नाही. तसेच अर्ज भरण्याचा अंतिम दिनांक ३० जून २०२५ होती तथापि आता १० जुलै २०२५ रोजी सायं. ५ पर्यंत मुदतवाढ देण्यात आली आहे असे परिपत्रकाद्वारे बार्टीचे महासंचालक सुनील वारे यांनी सांगितले आहे.