टीसीएस कंपनीमध्ये रोजगाराच्या संधी; जाधवर इन्स्टिट्यूटमध्ये रोजगार मेळावा

 एज्युवार्ता न्यूज नेटवर्क 

जाधवर ग्रुप ऑफ इन्स्टिट्यूट तर्फे येत्या २ ऑगस्ट रोजी रोजगार मेळाव्याचे (Job fair at Jadhav Institute)आयोजन करण्यात आले आहे. पुण्यातील नामांकित शिक्षणिक संस्था म्हणून ओळखल्या जाणाऱ्या जाधवर ग्रुप ऑफ इन्स्टिट्यूटकडून पदवीधर विद्यार्थ्यांना टाटा कन्सल्टन्सी सर्विसेस अर्थात टीसीएस (Tata Consultancy Services -TCS) कंपनीमध्ये रोजगाराच्या संधी उपलब्ध करून दिल्या जाणार आहेत. कोणत्याही पदवीधर विद्यार्थ्यांना या कॅम्पस ड्राईव्हमध्ये सहभागी होता येणार आहे, असे जाधवर इन्स्टिट्यूटचे अध्यक्ष डॉ. सुधाकर जाधवर यांनी सांगितले.

जाधवर ग्रुप ऑफ इन्स्टिट्यूटच्या नऱ्हे येथील कॅम्पस मध्ये 2 ऑगस्ट रोजी सकाळी 8.30 ते 11 वाजेपर्यंत या रोजगार मेळाव्याचे आयोजन करण्यात आले असून एमबीए, एमसीए, बीकॉम, बीए, बीबीआय,बीबीएम, बीएमएस, बीएससी अभ्यासक्रम पूर्ण केलेल्या कोणत्याही मान्यताप्राप्त विद्यापीठातून व महाविद्यालयातून पदवी प्राप्त केलेल्या विद्यार्थ्याला या रोजगार मेळाव्यात सहभागी होता येणार आहे.

पुण्यातील कोणत्याही कार्यालयात व कोणत्याही शिफ्टमध्ये काम करण्याची तयारी असलेल्या पात्रताधारक उमेदवाराला लेखी चाचणी परीक्षेतून मुलाखतीद्वारे नोकरीसाठी निवडले जाणार आहे. इच्छुक उमेदवार  अधिक माहितीसाठी 9579419331, 9049994848, 8972549613 या मोबाईल क्रमांकावर व नोंदणीसाठी https://nextstep.tcsapps.com/indiacampus/#/ या लिंकवर संपर्क साधू शकतात,असेही डॉ. सुधाकर जाधवर यांनी सांगितले.