एलिमेंटरी परीक्षेचे वेळापत्रक जाहीर

एज्युवार्ता न्यूज नेटवर्क 

महाराष्ट्र राज्य कला शिक्षण मंडळाकडून (Maharashtra State Board of Arts Education) शासकीय रेखाकला (एलिमेंटरी व इंटरमिजिएट ड्रॉइंग ग्रेड) (Elementary and Intermediate Drawing Grades) परीक्षेचे वेळापत्रक जाहीर (Exam schedule announced) करण्यात आले आहे. त्यानुसार या दोन्ही चित्रकला परीक्षा २५ ते २८ सप्टेंबर या कालावधीत घेण्यात येणार आहेत, असे महाराष्ट्र राज्य कला शिक्षण मंडळाचे संचालक विनोद दांडगे (Vinod Dandge, Director, Maharashtra State Board of Arts Education) यांनी पत्र प्रसिद्ध केले आहे. 

पूर्वी कला संचालनालयातर्फे या परीक्षा घेतल्या जात होत्या. परंतु, २०२४-२५ पासून महाराष्ट्र राज्य कला शिक्षण मंडळाचा अधिनियम लागू करण्यात आला आहे. त्यानुसार आता शासकीय रेखाकला परीक्षा मंडळाकडून घेण्यात येणार आहेत. शासनाने शासकीय रेखाकला परीक्षेच्या पुनर्रचित अभ्यासक्रमास १६ फेब्रुवारी २०१५ रोजीच्या निर्णयानुसार मान्यता दिली आहे. त्यानुसार यंदा ही शासकीय रेखाकला परीक्षा घेण्यात येणार आहे.

संबंधित सर्व केंद्र प्रमुखांनी शासकीय रेखाकला परीक्षेसाठी विद्यार्थ्यांची

नावनोंदणी करताना दोन्हीपैकी (एलिमेंटरी किंवा इंटरमिजिएट) एकाच परीक्षेसाठी नावाची ऑनलाइन नोंदणी करावी. शासकीय रेखाकला परीक्षा केंद्रांची नोंदणी, विद्यार्थ्यांची नोंदणी व परीक्षा शुल्क ऑनलाइन पद्धतीने संकेतस्थळावर भरावे, याबाबत पालक आणि विद्यार्थ्यांना कळवावे, असे आवाहन मंडळातर्फे करण्यात आले आहे.

परीक्षेचे सविस्तर वेळापत्रक 

२५ सप्टेंबर रोजी सकाळी १०:३० ते दुपारी १ वेळेत वस्तुचित्र तर दुपारी २ ते ४ या वेळेत स्मरणचित्र, २६ सप्टेंबर रोजी सकाळी १०:३० ते दुपारी १ पर्यंत कर्तव्यभूमिती व अक्षरलेखन तर दुपारी २ ते ४ या वेळेत इंटरमिजिएट चित्रकला, २७ सप्टेंबर रोजी सकाळी १०:३० ते १:३० या वेळेत स्थिरचित्र तर दुपारी २:३० ते ४:३० स्मरणचित्र आणि २८ सप्टेंबर रोजी सकाळी १०:३० ते दुपारी १:३० संकल्पचित्र नक्षीकाम, तर दुपारी २:३० ते ५:३० कर्तव्य भूमिती, घनभूमिती व अक्षरलेखन या परीक्षा घेण्यात येणार आहेत.