'ईद-ए-मिलाद'ची ५ सप्टेंबरची सुट्टी ८ तारखेला; शासनाचा निर्णय

एज्युवार्ता न्यूज नेटवर्क

राज्य सरकारने महाराष्ट्रात एकूण २४ सार्वजनिक सुट्ट्या जाहीर केल्या आहेत. त्यानुसार ईद-ए-मिलाद (Eid-e-Milad holiday) या मुस्लिम सणाची सुट्टी शुक्रवार दि. सप्टेंबर रोजी दर्शवण्यात आली आहे. मुस्लिमांचा धार्मिक सण ईद-ए-मिलाद हा मुस्लिम समुदाय मोठ्या प्रमाणात साजरा करतो. यानिमित्ताने जुलूस कार्यक्रमाचे आयोजन (julus a procession program) करण्यात येते. शनिवार, ६ सप्टेंबर २०२५ रोजी अनंत चतुर्दशी हा हिंदू सण असल्याने, राज्यात बंधुता आणि हिंदू-मुस्लिम ऐक्य राखण्यासाठी सरकारने ईद-ए-मिलाद'ची ५ तारखेची सुट्टी ८ तारखेला जाहीर (Eid-e-Milad holiday declared on the 8th) करण्याचा निर्णय घेतला आहे.

सावित्रीबाई फुले पुणे विद्यापीठात प्राध्यापक पदांसाठी भरती सुरू

राज्य सरकारच्या वतीने २१ ऑगस्ट २०२५ रोजी विविध मुस्लिम संघटनांची बैठक घेण्यात आली होती. त्या बैठकीत मुस्लिम समुदायाने सोमवार, दिनांक ८ सप्टेंबर २०२५ रोजी जुलूस मिरवणुकीचा कार्यक्रम आयोजित करण्याचा निर्णय घेतला आहे. त्यानुसार सामान्य प्रशासन विभागाने शासन निर्णय प्रसिद्ध केला आहे. हा निर्णय केवळ मुंबई शहर व उपनगरांसाठी असणार आहे, असे प्रसिद्ध करण्यात आलेल्या निर्णयात म्हटले आहे.

महाराष्ट्र सरकारला ८ मे १९६८ अधिनियम, कलम २५ अंतर्गत दिलेल्या अधिकारांचा वापर करून, मुंबई शहर आणि मुंबई उपनगर जिल्ह्यांमध्ये शुक्रवार, ५ सप्टेंबर २०२५ ऐवजी सोमवार, ८ सप्टेंबर २०२५ रोजी ईद-ए-मिलाद सणानिमित्त एक दिवसाची सार्वजनिक सुट्टी जाहीर करण्यात येत आहे. मुंबई शहर आणि मुंबई उपनगर जिल्ह्यांव्यतिरिक्त इतर जिल्ह्यांसाठी, शुक्रवार, ५ सप्टेंबर २०२५ ही सार्वजनिक सुट्टीची तारीख कायम ठेवण्यात येत असल्याचे या शासन निर्णयात म्हटले आहे.