साक्षरता वर्गांची होणार पाहणी; शिक्षण अधिकारी देणार अचानक भेट..

एज्युवार्ता न्यूज नेटवर्क 

राज्यस्तरावरून साक्षरता वर्गाची पाहणी करण्यासाठी शिक्षण संचालनालयातील अधिकारी (Directorate of Education Officer) क्षेत्रीय कार्यालय, जिल्हा, तालुका आणि निवडक शाळांना भेटी देऊन आढावा घेणार (Will visit schools and review) आहेत. त्याबाबत शिक्षण संचालनालय (योजना) पुणे यांच्या अंतर्गत आदेश प्रसिद्ध (Order published) करण्यात आले आहेत. त्या अनुषंगाने कार्यक्रमाची आखणी व अंमलबजावणीसाठी ऑनलाईन पद्धतीने बैठका घेतल्या जात आहे. 

या बैठकांमधून दिलेल्या निर्देशानुसार जिल्हा, तालुका व शाळा स्तरावरील झालेल्या कार्यवाहीचा आढावा घेतला घेतला जाईल. केंद्र पुरस्कृत उल्लास नव-भारत साक्षरता कार्यक्रमाच्या अंमलबजावणीबाबतच्या मार्गदर्शक सूचनांनुसार जिल्हा, तालुका व शाळा स्तरावर केलेली पूर्वतयारीचा, उल्लास मेळावा पूर्वतयारी व कार्यवाहीचा,  तसेच शासनाच्या विविध योजनांचा आढावा घेण्यासाठी योजना संचालनालयातील अधिकारी जिल्हा, तालुका कार्यालयांना आणि निवडक शाळांना भेटी देणार आहेत.

भेटी दरम्यान संबंधित अधिकारी (योजना) कार्यालय, गट शिक्षणाधिकारी कार्यालय, शाळा तसेच उल्लास - नव भारत साक्षरता कार्यक्रमांतर्गत सुरू असलेले वर्ग यांना भेटी देवून असाक्षर व स्वयंसेवक यांच्याशी चर्चा करणार आहेत. तसेच शाळांमधून विविध शासकीय योजनांची सुरू असलेल्या अंमलबजावणीची पाहणी करून त्याची माहिती घेणार आहेत. विभागीय शिक्षण उपसंचालक यांनी संचालनालय स्तरावरून भेटी देण्यासाठी येणार्‍या अधिकार्‍यांसोबत जिल्ह्या कार्यालयातील वर्ग -१ किंवा वर्ग-२ दर्जाचे अधिकारी दौर्‍यात पूर्ण वेळ उपलब्ध असणार आहेत, असे प्रसिद्ध करण्यात आलेल्या आदेशात नमूद करण्यात आले आहे.