संयुक्त पूर्व परीक्षा (गट-ब) साठी वय झालेल्या उमेदवारांना विशेष संधी देण्याची मागणी
सामान्यतः संयुक्त पूर्व परीक्षेची जाहिरात डिसेंबर/जानेवारीमध्ये प्रकाशित होऊन ही परीक्षा मार्च ते मे या कालावधीमध्ये घेण्यात येते. मात्र, यावेळी सदर जाहिरात 29 जुलै 2025 रोजी प्रकाशित होऊन परीक्षा 9 नोव्हेंबर 2025 रोजी होत असून वयोमर्यादा गणण्याचा दिनांक 1 नोव्हेंबर असल्यामुळे संयुक्त परीक्षेचा अभ्यास करणारे विशेषतः PSI पदासाठी तयारी करणाऱ्या हजारो विद्यार्थ्यांचे वयोमर्यादा ओलांडल्यामुळे नुकसान होणार आहे. त्यामुळे या विद्यार्थ्यांना एक संधी देण्यात यावी, अशी मागणी आमदार पवार यांनी केली आहे.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगाकडून (Maharashtra Public Service Commission) संयुक्त पूर्व परीक्षा (गट-ब) 2025 (Joint Preliminary Examination (Group-B) 2025) साठी एकूण 674 पदांची जाहिरात प्रसिद्ध करण्यात आली आहे. राज्य शासनाने पोलीस भरतीसाठी 2022 ते 2025 मध्ये वयोमर्यादा ओलांडलेल्या उमेदवारांना एक वेळेची विशेष बाब म्हणून वाढीव संधी (Increased opportunities for candidates who have crossed the age limit) देण्याचा सकारात्मक निर्णय घेतला. त्याच धर्तीवर संयुक्त पूर्व परीक्षा (गट-ब) साठी देखील 2023 ते 2025 दरम्यान वयोमर्यादा ओलांडलेल्या उमेदवारांना एक वेळेची विशेष बाब म्हणून वाढीव संधीचा सकारात्मक निर्णय घेण्यात यावा, अशी मागणी राष्ट्रवादी काँग्रेस (शरदचंद्र पवार) पक्षाचे आमदार रोहित पवार (MLA Rohit Pawar) यांनी राज्याचे मुख्यमंत्री देवेंद्र फडणवीस आणि एमपीएससी आयोगाकडे केली आहे.
ज्येष्ठ वनस्पती शास्त्रज्ञ डॉ. हेमा साने निधन, पुण्याच्या मध्यवर्ती भागात राहून विजेविना घालवले जीवन
संयुक्त पूर्व परीक्षा (गट-ब) 2025 या जाहिरातीमध्ये पोलीस उपनिरीक्षक (PSI) 392 पदांचा समावेश आहे. सामान्यतः संयुक्त पूर्व परीक्षेची जाहिरात डिसेंबर/जानेवारीमध्ये प्रकाशित होऊन ही परीक्षा मार्च ते मे या कालावधीमध्ये घेण्यात येते. मात्र, यावेळी सदर जाहिरात 29 जुलै 2025 रोजी प्रकाशित होऊन परीक्षा 9 नोव्हेंबर 2025 रोजी होत असून वयोमर्यादा गणण्याचा दिनांक 1 नोव्हेंबर असल्यामुळे संयुक्त परीक्षेचा अभ्यास करणारे विशेषतः PSI पदासाठी तयारी करणाऱ्या हजारो विद्यार्थ्यांचे वयोमर्यादा ओलांडल्यामुळे नुकसान होणार आहे. त्यामुळे या विद्यार्थ्यांना एक संधी देण्यात यावी, अशी मागणी आमदार पवार यांनी केली आहे.
महाराष्ट्र लोकसेवा आयोगाने 2025 मध्ये गट ब सेवांसाठी संयुक्त पूर्व परीक्षेची घोषणा केली आहे. ही परीक्षा रविवार, 9 नोव्हेंबर 2025 रोजी महाराष्ट्रातील 37 जिल्हा केंद्रांवर होणार आहे. या परीक्षेद्वारे महाराष्ट्र शासनाच्या विविध विभागांतील एकूण 282 रिक्त जागा भरल्या जाणार होत्या. पण आता या भरती प्रक्रियेत पोलीस उपनिरीक्षक पदाच्या 392 जागांचाही समावेश करण्यात आला आहे. त्यामुळे ही परीक्षा देणाऱ्या उमेदवारांना मोठा फायदा होणार आहे. आता या भरतीप्रक्रियेतून पूर्वीच्या 282 आणि आता नवीन समावेश झालेल्या 392 मिळून एकूण 674 जागा भरल्या जाणार आहेत.
