ऑनलाईन गेम्स पाहून बारावीच्या विद्यार्थिनीने कापल्या हाताच्या नसा आणि गळा  

एज्युवार्ता न्यूज नेटवर्क 

नागपूरातील एका 17 वर्षांच्या (Nagpur Crime News) मुलीने मृत्यूनंतर काय होते हे जाणून घेण्याच्या उत्सुकतेपोटी आत्महत्येचा मार्ग निवडला. आधी तिने स्वतःच्या हाताच्या नसा कापल्या आणि नंतर गळा (Student commits suicide) चिरला. ही थरारक आणि विचित्र घटना धंतोली पोलीस ठाण्यांतर्गत येणाऱ्या छत्रपतीनगर परिसरात उघडकीस आली आहे. या घटनेने परिसरात एकच खळबळ उडाली आहे. तर पालकांमध्ये भितीचे वातावरण पाहायला मिळत आहे. 

मयत विद्यार्थीनी बारावीमध्ये शिक्षण घेत होती. तिला मोबाईलवर ऑनलाईन गेम खेळण्याचा छंद होता. विद्यार्थिनीचे वडील रिझर्व्ह बँक ऑफ इंडियामध्ये मोठ्या पदावर अधिकारी असून आई गृहिणी आहे. छत्रपतीनगर परिसरात दोन माळ्यांच्या इमारतीत तळ माळ्यावर ती आई-वडिलांसोबत राहत होती. दुसऱ्या माळ्यावर मुलीचे काका हे कुटुंबासह राहतात. विद्यार्थिनी रात्री झोपायला म्हणून आपल्या खोलीत गेली. मध्यरात्रीनंतर तिने चाकूने हाताच्या नसा कापून ‘क्रॉस’चे चिन्ह बनवले. त्यानंतर तिने गळ्यावरून चाकू फिरवत गळा कापला.

सोमवारी सकाळी तिचे कॉलेजमध्ये प्रॅक्टिकल होते. 6 वाजताच्या सुमारास आई तिला उठविण्यासाठी खोलीत गेली असता मुलगी रक्ताच्या थारोळ्यात पडून होती. आईची आरडा-ओरड एकूण वडील खोलीकडे धावले. काका आणि आजीही आली. विद्यार्थिनीने आत्महत्या करण्यासाठी स्टोन ब्लेड चाकूचा उपयोग केला. हा चाकू दगड आणि लाकडापासून बनलेला असतो. बाजारात हा चाकू सहजरित्या मिळत नाही. तिच्याकडे हा चाकू कसा आला याबाबत कुटुंबीयांना काहीही माहिती नाही. त्यामुळे रुचिकाने हा चाकू ऑनलाईन मागवल्याचा अंदाज वर्तविण्यात येत आहे. रुचिकाने आत्महत्या करण्यापूर्वी एक चिठ्ठी लिहून ठेवली होती. 5 पानांच्या या चिठ्ठीत अनेक गोष्टी लिहिल्या आहेत. मात्र, पोलिसांकडून याबाबत अधिक माहिती दिली गेली नाही.