मराठी माध्यमासाठी परिपत्रक जाहीर, शुद्ध मराठीत प्रश्नपत्रिका छापल्या जाणार..
मागील काही वर्षांमध्ये मराठी माध्यमांच्या प्रश्नपत्रिकांमध्ये सतत होणाऱ्या चुका आणि अशुद्ध शब्दांमुळे विद्यार्थ्यांना नाहक त्रास सहन करावा लागत होता. त्यानंतर आता मुंबई विद्यापीठाने मोठा निर्णय घेतला आहे. मराठी माध्यमांच्या सर्व प्रश्नपत्रिका शुद्ध मराठीत छापणार असल्याचे परिपत्रक मुंबई विद्यापीठाने आता प्रसिद्ध केलं आहे.
eduvarta@gmail.com 
एज्युवार्ता न्यूज नेटवर्क
मागील काही वर्षांमध्ये मराठी माध्यमांच्या प्रश्नपत्रिकांमध्ये सतत होणाऱ्या चुका आणि अशुद्ध शब्दांमुळे विद्यार्थ्यांना नाहक त्रास सहन करावा लागत होता. त्यानंतर आता मुंबई विद्यापीठाने (Mumbai University) मोठा निर्णय घेतला आहे. मराठी माध्यमांच्या (Marathi medium) सर्व प्रश्नपत्रिका शुद्ध मराठीत छापणार (Question papers will be printed in pure Marathi) असल्याचे परिपत्रक मुंबई विद्यापीठाने आता प्रसिद्ध (Circular issued) केलं आहे.
द्वितीय वर्ष मराठी अभ्यासक्रमाच्या परीक्षेत अनेक प्रश्न इंग्रजी भाषेत दिल्याचे समोर आले होते. त्यानंतर युवासेनेच्या पदाधिकाऱ्यांनी यामध्ये पारदर्शकता आणण्यासाठी कुलसचिवांना याबाबतचे निवदेन दिले होते. त्याची दखल घेत काही लगेच विद्यापीठाने हे परिपत्रक प्रसिद्ध केलं आहे.
हेही वाचा - SPPU:प्राध्यापक भरतीसाठी अर्ज करण्यास पुन्हा एकदा मुदतवाढ
युवासेनेच्या दणक्यानंतर कुलसचिवांनी मराठी माध्यमाच्या सर्व प्रश्नपत्रिका शुद्ध मराठीतच काढण्यात याव्यात असे परिपत्रक काढण्याचे त्वरित आदेश दिले होते. त्याची अंमलबजावणी करण्यात आली असून विद्यार्थ्यांनी युवासेनेचे आभार मानले आहेत.
द्वितीय वर्ष मराठी विधी अभ्यासक्रमाच्या परीक्षेत अनेक प्रश्न इंग्रजीत असल्याच्या तक्रारी शिवसेना नेते, युवासेना प्रमुख आदित्य ठाकरे यांच्याकडे आल्या होत्या. या तक्रारींची दखल घेत युवासेना सिनेट सदस्य शीतल शेठ-देवरुखकर, प्रदीप सावंत, शशिकांत झोरे आणि माजी सिनेट सदस्य राजन कोळंबेकर यांनी विद्यापीठाचे कुलसचिव प्रसाद कारंडे यांची भेट घेतली होती. या प्रकरणातील दोषींवर कारवाई करण्याचीही मागणी केली होती.
काय म्हटलं आहे परित्रकामध्ये ?
यापुढे विद्यापीठाकडून घेण्यात येणाऱ्या परीक्षांच्या प्रश्नपत्रिका आणि उत्तरपत्रिकांचे मराठीत भाषांतर करून त्या हस्तलिखित कक्षात जमा करण्यापूर्वी प्रश्नपत्रिका आणि उत्तरपत्रिका हस्तलिखिते कक्षामध्ये जमा कराव्यात, असे परिपत्रकात नमूद आहे. तसेच इंग्रजी प्रश्नपत्रिका आणि उत्तरपत्रिकांचे मराठीत भाषांतर करताना नेमणूक करण्यात आलेले संबंधित विषयाचे अध्यक्ष, अनुवादक, परीक्षक यांनी योग्य ती खबरदारी घ्यावी, असंही परिपत्रकात म्हटलं आहे.
