SPPU:प्राध्यापक भरतीसाठी अर्ज करण्यास पुन्हा एकदा मुदतवाढ
सावित्रीबाई फुले पुणे विद्यापीठातील विविध विभागांमधील 111 जागांसाठी 8 नोव्हेंबर ते सात डिसेंबर पर्यंत अर्ज करण्यास मुदत देण्यात आली होती. विद्यापीठाकडे यापूर्वी अर्ज केलेल्या उमेदवारांना आपल्या अर्जात दुरुस्ती करण्याची संधी उपलब्ध आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठातील (Savitribai Phule Pune University) प्राध्यापक पदाच्या 111 जागांसाठी (111 vacancies for the post of Professor)अर्ज भरण्यास मुदतवाढ (Extension of deadline for filing application) देण्यात आली आहे. पात्र उमेदवार आता येत्या 21 डिसेंबर पर्यंत अर्ज करू शकणार आहेत. त्यामुळे पात्र उमेदवारांना आणखी काही दिवस अर्ज करण्याची संधी मिळाली आहे.
राज्यातील विद्यापीठांमधील प्राध्यापक पदाच्या अनेक जागा रिक्त आहेत. या जागा भरण्यासाठी विद्यापीठातर्फे आतापर्यंत तीन वेळा जाहिरात प्रसिद्ध करण्यात आली. मात्र, कोणत्या ना कोणत्या कारणामुळे प्राध्यापक भरती रखडली आहे. सावित्रीबाई फुले पुणे विद्यापीठातील विविध विभागांमधील 111 जागांसाठी 8 नोव्हेंबर ते सात डिसेंबर पर्यंत अर्ज करण्यास मुदत देण्यात आली होती. विद्यापीठाकडे यापूर्वी अर्ज केलेल्या उमेदवारांना आपल्या अर्जात दुरुस्ती करण्याची संधी उपलब्ध आहे. मात्र, विद्यापीठाने पात्र उमेदवारांना अर्ज करण्यासाठी पुन्हा एकदा मुदतवाढ दिली आहे. आता उमेदवार 8 डिसेंबर पासून 21 डिसेंबरपर्यंत विद्यापीठाच्या संकेतस्थळावर जाऊन ऑनलाईन अर्ज भरू शकतात. तर भरलेल्या अर्जाची छायांकित प्रत 26 डिसेंबर पर्यंत विद्यापीठात जमा करू शकतात.
दरम्यान, सर्व विद्यापीठांनी सहा ऑक्टोबर 2025 च्या अध्यादेशानुसार जाहिरात प्रसिद्ध करून प्राध्यापक भरतीसाठी निश्चित करण्यात आलेल्या निकषानुसार अर्ज मागविले आहेत. मात्र, 6 ऑक्टोबर 2025 च्या अध्यादेशात बदल होण्याची शक्यता व्यक्त केली जात आहे. त्यामुळे पुन्हा नव्या निकषानुसार अर्ज करावे लागू शकतात. या सर्व गोंधळामुळे पात्र उमेदवारांमध्ये संभ्रम निर्माण झाला आहे.
