'त्या' परीक्षा केंद्रांवर CTET परीक्षा पुन्हा घेतली जाणार, परीक्षेची तारीख जाहीर..

एज्युवार्ता न्यूज नेटवर्क

केंद्रीय शिक्षक पात्रता परीक्षेची (CTET) तयारी करणाऱ्या उमेदवारांसाठी एक महत्त्वाची बातमी आहे. सीबीएसईने फेब्रुवारी २०२६ च्या सीटीईटी सत्राचा पेपर २(CTET Paper 2 Session) पुन्हा घेण्याचा निर्णय घेतला आहे. बिहारमधील वैशाली जिल्ह्यातील काही केंद्रांवर प्रशासकीय कारणांमुळे ज्या उमेदवारांच्या परीक्षा रद्द (Candidates' exams cancelled) करण्यात आल्या होत्या त्यांच्यासाठी हा निर्णय घेण्यात आला आहे. कोणत्याही उमेदवारावर अन्याय होऊ नये म्हणून पुनर्परीक्षा घेण्याचा निर्णय (Decision to conduct re-examination) घेण्यात आल्याचे बोर्डाने म्हटले आहे. त्यानुसार १ मार्च रोजी पुनर्परीक्षा घेण्यात येणार असल्याचे जाहीर करण्यात आले आहे. 

सीबीएसईने ७ आणि ८ फेब्रुवारी २०२६ रोजी सीटीईटीची परीक्षा आयोजित केली होती. त्यात पेपर एक आणि पेपर दोनचा समावेश होता. मात्र, ७ फेब्रुवारी रोजी वैशाली जिल्ह्यातील काही केंद्रांवर पेपर २ पूर्ण होऊ शकला नाही. प्रशासकीय अडचणींमुळे परीक्षा रद्द करावी लागली. यामुळे हजारो उमेदवार परीक्षा न देता माघारी परतले.

बोर्डाने जाहीर केलेल्या माहितीनुसार, पुनर्परीक्षा १ मार्च २०२६ रोजी होणार आहे. सीबीएसईने आता स्पष्ट केले आहे की, सीटीईटी पेपर-२ ची पुनर्परीक्षा रविवार, १ मार्च २०२६ रोजी या दोन्ही केंद्रांवर घेतली जाईल. ज्या उमेदवारांची पूर्वीची परीक्षा केंद्रे या ठिकाणी होती तेच उमेदवार या पुनर्परीक्षेला बसू शकतील. बोर्डाने असेही स्पष्ट केले आहे की ही परीक्षा फक्त परीक्षेपासून वंचित राहिलेल्या उमेदवारांसाठी असेल; इतर उमेदवारांना पुन्हा परीक्षा देण्याची आवश्यकता नाही.

पुनर्परीक्षेला बसणाऱ्या उमेदवारांना नवीन प्रवेशपत्र जारी केले जाईल. हे प्रवेशपत्र उमेदवाराच्या लॉगिनमध्ये उपलब्ध करून दिले जाईल. सर्व उमेदवारांना अधिकृत वेबसाइट ctet.nic.in ला भेट देऊन त्यांचे सुधारित प्रवेशपत्र वेळेवर डाउनलोड करण्याचा सल्ला देण्यात येत आहे. नवीन प्रवेशपत्राशिवाय त्यांना परीक्षा केंद्रात प्रवेश दिला जाणार नाही.

सीबीएसईने स्पष्टपणे सांगितले आहे की, १ मार्चच्या परीक्षेत कोणताही बदल केला जाणार नाही. परीक्षेची तारीख किंवा परीक्षा केंद्र बदलले जाणार नाही. उमेदवारांच्या कोणत्याही विनंत्या स्वीकारल्या जाणार नाहीत. बोर्डाने असेही म्हटले आहे की ही शेवटची