सीए परीक्षेचे सुधारित वेळापत्रक प्रसिध्द
अधिकृत अधिसूचनेत असेही समाविष्ट होते की, मे सत्रासाठी सीए फाउंडेशन परीक्षा त्याच्या नियोजित वेळापत्रकानुसार म्हणजेच १५, १७, १९ आणि २१ मे रोजी होणार आहे.
eduvarta@gmail.com 
एज्युवार्ता न्यूज नेटवर्क
देशातील सुरक्षेच्या परिस्थितीमुळे सीएच्या परीक्षा पुढे ढकलण्यात आल्या. पुढे ढकलण्यात आलेल्या परीक्षांच्या नवीन तारखा आता संस्थेने जाहीर केल्या आहेत. त्यानुसार आता सीए परीक्षा १६ ते २४ मे दरम्यान घेतल्या जाणार आहे. ही घोषणा इन्स्टिट्यूट ऑफ चार्टर्ड अकाउंटंट्स ऑफ इंडियाने (ICAI) केली आहे. या परीक्षा पूर्वी ९ ते १४ मे दरम्यान नियोजितव करण्यात आल्या होत्या.
आयसीएआयने या आठवड्याच्या सुरुवातीला या परीक्षा पुढे ढकलण्याची घोषणा केली होती. भारत आणि पाकिस्तानच्या तयार झालेल्या युद्धजन्य परिस्थितीमुळे सीए फायनल, इंटरमीडिएट आणि आयएनटीटी-एटी (पीक्यूसी) परीक्षा, ज्या पूर्वी ९ ते १४ मे दरम्यान होणार होत्या, त्या आता १६ ते २४ मे दरम्यान घेतल्या जातील, असा निर्णय घेण्यात आला आहे," असे आयसीएआयने एका अधिसूचनेत म्हटले आहे. अधिकृत अधिसूचनेत असेही समाविष्ट होते की, मे सत्रासाठी सीए फाउंडेशन परीक्षा त्याच्या नियोजित वेळापत्रकानुसार म्हणजेच १५, १७, १९ आणि २१ मे रोजी होणार आहे.
देशातील सर्व राज्यांमध्ये सीए परीक्षा घेतल्या जातात. याशिवाय, ही परीक्षा भारताबाहेरील नऊ परदेशी शहरांमध्ये देखील घेतली जाते. कुवेत, बहरीन, मस्कत, थिंपू (भूतान), अबू धाबी, रियाध (सौदी अरेबिया), दोहा, काठमांडू आणि दुबई येथेही सीए परीक्षा घेतल्या जातात. सीए परीक्षेशी संबंधित इतर माहितीसाठी, उमेदवारांना इन्स्टिट्यूट ऑफ चार्टर्ड अकाउंटंट्स ऑफ इंडियाच्या (ICAI) अधिकृत वेबसाइटला भेट द्यावी.
वेळेत बदल नाही
अधिकृत माहितीनुसार, आयसीएआयने म्हटले आहे की, परीक्षा केंद्रे आणि वेळेत कोणताही बदल केला जात नाही. परीक्षा पूर्वी नियोजित केंद्रे आणि वेळेनुसार (दुपारी २ ते ५ आणि ६) घेतली जाईल.
सुधारित वेळापत्रक
शुक्रवार, १६ मे : फायनल परीक्षा (ग्रुप २) पेपर ५ -इंडायरेक्ट टॅक्स लॉ/इंटरनॅशनल टॅक्सेशन असेसमेंट टेस्ट (आयएनटीटी-एटी) पेपर १ - इंटरनॅशनल टॅक्स-ट्रान्सफर प्रायसिंग
रविवार, १८ मे : फायनल परीक्षा (ग्रुप दोन) पेपर ६-इंटिग्रेटेड बिझनेस सोल्युशन्स/आयएनटीटी-एटी पेपर-२ - इंटरनॅशनल टॅक्स प्रक्टिस
मंगळवार, २० मे : इंटरमिजिएट परीक्षा (ग्रुप २) पेपर ४ - कॉस्ट अँड मॅनेजमेंट अकाउंटिंग
गुरुवार, २२ मे : इंटरमिजिएट परीक्षा (ग्रुप २) पेपर ५-ऑडिटिंग अँड एथिक्स
शनिवार, २४ मे : इंटरमिजिएट परीक्षा (ग्रुप २) पेपर ६ -फायनान्शियल मॅनेजमेंट अँड स्ट्रॅटेजिक मॅनेजमेंट
