B.Pharmacy Admission : फार्मसीचे प्रवेशाचे वेळापत्रक जाहीर; २९ सप्टेंबरला पहिली यादी
बी. फार्मसी अभ्यासक्रमासाठी २४ सप्टेंबरला रोजी उपलब्ध जागा प्रसिद्ध केल्या जाणार आहेत. त्यानंतर विद्यार्थ्यांना २५ सप्टेंबर ते २७ सप्टेंबर कालावधीत महाविद्यालयांचे पसंती क्रम भरता येतील. २९ सप्टेंबर रोजी पहिली गुणवत्ता यादी प्रसिद्ध केली जाई. ३० सप्टेंबर ते ३ ऑक्टोबर या कालावधीत विद्यार्थ्यांना प्रत्यक्ष महाविद्यालयांत जाऊन प्रवेश घ्यावे लागतील. तर ४ ऑक्टोबर रोजी दुसर्या फेरीसाठी उपलब्ध जागा जाहीर केल्या जातील.
eduvarta@gmail.com 
एज्युवार्ता न्यूज नेटवर्क
राज्य सामायिक प्रवेश परीक्षा (State Common Entrance Test) कक्षामार्फत राबवल्या जाणाऱ्या बी. फार्मसी अभ्यासक्रमाच्या प्रवेश प्रक्रियेचे (B. Pharmacy Admission Process) वेळापत्रक अखेर जाहीर (Schedule announced) करण्यात आले आहे. त्यामुळे मागील तीन महिन्यांपासून या प्रवेश प्रक्रियेची वाट पाहणाऱ्या विद्यार्थ्यांची अखेर प्रतीक्षा संपली आहे. सीईटी सेलकडून प्रसिद्ध करण्यात आलेल्या वेळापत्रकानुसार, विद्यार्थ्यांना २५ ते २७ सप्टेंबर रोजी महाविद्यालयांचे पर्याय निवडता येणार आहेत. तर पहिली गुणवत्ता यादी २९ सप्टेंबर रोजी (First merit list on September 29) प्रसिद्ध करण्यात येणार आहे. तसेच ही संपूर्ण प्रक्रिया १२ नोव्हेंबरपर्यंत चालणार असून त्यानंतर शैक्षणिक वर्ष सुरू होणार आहे.
बीएससी नर्सिंग: प्रवेश नोंदणीसाठी 28 सप्टेंबरपर्यंत मुदतवाढ
पहिल्या फेरीचे वेळापत्रक -
बी. फार्मसी अभ्यासक्रमासाठी २४ सप्टेंबरला रोजी उपलब्ध जागा प्रसिद्ध केल्या जाणार आहेत. त्यानंतर विद्यार्थ्यांना २५ सप्टेंबर ते २७ सप्टेंबर कालावधीत महाविद्यालयांचे पसंती क्रम भरता येतील. २९ सप्टेंबर रोजी पहिली गुणवत्ता यादी प्रसिद्ध केली जाई. ३० सप्टेंबर ते ३ ऑक्टोबर या कालावधीत विद्यार्थ्यांना प्रत्यक्ष महाविद्यालयांत जाऊन प्रवेश घ्यावे लागतील. तर ४ ऑक्टोबर रोजी दुसर्या फेरीसाठी उपलब्ध जागा जाहीर केल्या जातील.
राज्यातील फार्मसी संस्थांना दरवर्षी फार्मसी कौन्सिल ऑफ इंडिया (पीसीआय) कडून मान्यता घेणे बंधनकारक असते. यामुळे दरवर्षी फार्मसी प्रवेश प्रक्रियेसाठी विलंब होतो. मात्र, यंदा वारंवार प्रवेशाची मुदत वाढल्याने विद्यार्थ्यांमध्ये संभ्रमाचे वातावरण होते. यंदाही तब्बल दोन ते तीन महिने प्रवेश वेळापत्रक लांबणीवर गेल्याने शैक्षणिक सत्र उशिरा सुरू होणार आहे. प्रवेशाच्या चार फेऱ्या होणार आहेत. प्रत्येक फेरीत प्रवेश मिळालेल्या विद्यार्थ्यांनी स्वतःच्या लॉग इनद्वारे पसंतीनुसार प्रवेश स्वीकारणे आवश्यक आहे. त्यासाठी "फ्रीझ” किंवा “बेटरमेंट” असे दोन पर्याय उपलब्ध असतात.
जर विद्यार्थ्याला मिळालेले महविद्यालय पसंत असेल तर ते "फ्रीझ" पर्याय निवडून ती जागा निश्चित करू शकतात. अन्यथा "बेटरमेंट" पर्याय निवडून पुढील फेरीत यापेक्षा चांगले महाविद्यालय मिळावे याची वाट पाहू शकतात. पहिल्या पसंतीचे महविद्यालय मिळाल्यास तो प्रवेश आपोआप "ऑटो फ्रीझ" होईल आणि अशा विद्यार्थ्यांना पुढील फेऱ्यांत सहभागी होता येणार नाही. तसेच प्रवेश निश्चित करताना ऑनलाईन शुल्क भरणे बंधनकारक आहे. चुकीची कागदपत्रे सादर केल्यास उमेदवाराचा प्रवेश नाकारला जाईल, असे सीईटी कक्षाने स्पष्ट केले आहे.
