वायुसेनेत अग्निवीर भरतीसाठी अर्ज प्रक्रिया सुरू

एज्युवार्ता न्युज नेटवर्क

भारतीय हवाई दलात (Indian Air Force) भरती होऊन देशसेवा करण्याचे स्वप्न पाहणाऱ्या तरुणांना वायुसेनेत अग्निवीर भरतीसाठी (Agnivir Recruitment in Air Force) नवीन संधी आहे. अलीकडेच, वायुसेनेने अग्निपथ एअर इनटेक 01/2025 बॅच अंतर्गत हाउसकीपिंग (Housekeeping) आणि हॉस्पिटॅलिटीच्या (Hospitality) नॉन-कॉम्टँट पदांच्या भरतीसाठीची अधिसूचना प्रसिद्ध (Notification released) केली होती. 17 ऑगस्ट पासून या रिक्त पदासाठी अर्ज प्रक्रिया (Application Process) सुरू झाली आहे. अर्ज भरण्याची अंतिम तारीख 2 सप्टेंबर 2024 असणार आहे.

भारतीय हवाई दलातील गैर-लढाऊ सरकारी नोकरीसाठी अर्ज करण्यासाठी, उमेदवारांनी मान्यताप्राप्त बोर्डातून 10 वी किंवा त्याची समकक्ष परीक्षा उत्तीर्ण केलेली असावी. ही भरती केवळ अविवाहित पुरुष उमेदवारांसाठीच करण्यात आली आहे. या भरतीसाठी उमेदवाराची उंची किमान 152 सेमी असावी तर छाती 5 सेमी असावी. तर वजन उंची आणि वयानुसार असावे. या भरतीसाठी शारीरिक चाचणीमध्ये उमेदवारांना 1.6 किमीची शर्यत 6.30 मिनिटांत पूर्ण करावी लागेल. याशिवाय प्रत्येकी 1 मिनिटात 10 पुशअप्स, 10 सिटअप्स, 20 स्क्वॅट्स करावे लागतील. फॉर्म भरण्यासाठी उमेदवारांची जन्मतारीख 02 जानेवारी 2004 ते 02 जुलै 2007 पर्यंत असावी. जर उमेदवारांनी सर्व टप्पे पार केले तर त्यांचे कमाल वय नावनोंदणीच्या तारखेनुसार 21 वर्षे असावे. उमेदवारांची निवड लेखी परीक्षा, शारीरिक चाचणी, प्रवाह योग्यता चाचणी, दस्तऐवज पडताळणी आणि वैद्यकीय तपासणीच्या आधारे केली जाईल.

अग्निवीर वायुसेना नॉन-कम्बॅटंटच्या या रिक्त पदासाठी, उमेदवारांना ऑफलाइन अर्ज करावा लागेल. अधिसूचनेमध्ये उपस्थित असलेला अर्ज डाउनलोड केल्यानंतर, उमेदवारांना सर्व तपशील भरावे लागतील आणि कागदपत्रे जोडावी लागतील आणि ते त्यांच्या क्षेत्रानुसार अधिसूचनेत नमूद केलेल्या पोस्टल पत्त्यावर पाठवावे लागतील.दरम्यान, भरतीशी संबंधित इतर कोणत्याही माहितीसाठी उमेदवार एअर फोर्सच्या indianairforce.nic.in या अधिकृत वेबसाइटला भेट देऊ शकतात.