पुणे विद्यापीठ : नवीन विषय किंवा अभ्यासक्रम सुरू करण्यासाठी अर्ज प्रक्रिया सुरू

एज्युवार्ता न्यूज नेटवर्क

सावित्रीबाई फुले पुणे विद्यापीठाशी (Savitribai Phule Pune University) संलग्नित महाविद्यालये, परिसंस्था, संशोधन संस्थांसाठी शैक्षणिक वर्ष २०२६-२०२७ (Academic year 2026-2027) करिता नवीन संशोधन केंद्र किंवा अस्तित्वात असलेल्या संशोधन केंद्रामध्ये नवीन विषय/अभ्यासक्रम सुरू (New subject/course started) करण्यासाठी नवीन प्रक्रिया सुरू करण्यात आली आहे. त्यासाठी ३० सप्टेंबरपर्यंत विद्यापीठाकडे प्रस्ताव सादर करणे आवश्यक (Proposals must be submitted to the university by September 30th) आहे.

ट्रान्सजेंडर समावेशक लैंगिक शिक्षणासाठी सर्वोच्च न्यायालयाकडून केंद्र सरकारला नोटीस

सदर प्रस्ताव ३० सप्टेंबर रोजी किंवा त्यापूर्वी कार्यालयीन वेळेत ऑनलाइन अपलोड करावेत, असे परिपत्रक विद्यापीठाने काढले आहे. सदर प्रस्ताव विद्यापीठाच्या www.unipune.ac.in या संकेतस्थळावरील BOD-BOD online-Colleges/Institutes - Affiliation या लिंकवरून काळजीपूर्वक भरून सक्षम अधिकाऱ्यांच्या स्वाक्षरी व शिक्क्यासह विहित शुल्क व आवश्यक कागदपत्रांसह सादर करणे आवश्यक असल्याचे यामध्ये नमूद करण्यात आले आहे.

यामध्ये विशेष आणि महत्त्वाची टिप देण्यात आली आहे. त्यानुसार नवीन संशोधन केंद्रासाठी सादर केलेले अर्ज/प्रस्ताव ऑनलाइन अपलोड करून त्याची मुळ प्रत ३० सप्टेंबर रोजी किंवा त्यापूर्वी कार्यालयीन वेळेत संबंधित विभागात जमा करावी, असेही नमूद केले आहे. उपकुलसचिव सुनीता हजारे यांच्या सहीने हे परिपत्रक संकेतस्थळावर प्रसिद्ध केले आहे. त्यामुळे विद्यापीठ संलग्न महाविद्यालयांना नवीन विषय किंवा अभ्यासक्रम आपल्या संस्थेत उपलब्ध करून घेण्याची ही नामी संधी प्राप्त झाली आहे.